MATHIU 22:7 - SHEEYU BAIBEL (BSI)

⁷ Veosü lekhasho loure, alia südonou puhnou puh reihmai taoye seiho maiye southeayu taoye southeare ea puletao vei nuhdu nasü meinou deilaire.

MATHIU 22:7 Iomraidhean Croise

DANIEL 9:26

Sübüyu teile akhai hisü kou Ramai nou dopei khaitouyu süthai apei naye sü mainou southawulai. Nuhdu ae Rathoki nasü khouko pfüshoa reih hulouyu veo nahpoutu nanou soushi khaiwulai. Akhai teithe hisü soureih souyu ae soushi peiyu hai dzüdu veyu büa veloulai.

JOEL 2:11

Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

JOEL 2:25

Enou neletaoye dure donou seiveyu reihme: Khazü haiki, khatsüku, khaikhre alia khazü taonou toulouyu khesü Enou neletao hi dakhai peilai.

JOEL 3:2

Enou tyahrü teiteiye save jüloulai alia Jehoshaphat deikho hi save khailoulai, alia Avei maitao ae A kaalo thaolaiyu Israel mai vanou puhtao pei hi chikulai, daiolouzü puletao nou A maiye tyahrütao hrohi hurarou laipeie, ae puletao nou Avei dei sü zhiloure,

MATHIU 22:6

kukhemai taonou puh kilaitaoye niloua dapeire ea southeare.

MATHIU 22:8

Süthaisü puhnou puh kilaimaitaoye kuloua puletao hi paoe, ‘Avei sheenghiyu tovai sü souda chere, ana raia kukhai touyu maitao hai sühi vezü more,

LUK NOU RÜYU KO AVEIBVÜ 19:27

Ana Eye panou puletao pei hi veo sounü moyu Avei ngaoba maitao donou louzü, puletaoye buh haihi saveloua Anghojü hinou southeawu wo!’ ”

LUK NOU RÜYU KO AVEIBVÜ 21:21

Sükisü Judea hi buyu puletaosü deichi taohi tutalou khaio, alia nuhdu hinou buyu puletaosü tavuzülou khaio, alia vakou nuhfü taohinou buyu puletao-a nuhdu nahi talou khaiso.

LUK NOU RÜYU KO AVEIBVÜ 21:24

Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.

1 THESSALONIMAI 2:16

Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!