MATHIU 22:3 - SHEEYU BAIBEL (BSI)

³ Puhnou rai-a sheenghiyu vaibuh hi kukhai touyu shemaitaoye kuloure donou puh kilaitaoye seitae, ana puletao nou venükhai more.

MATHIU 22:3 Iomraidhean Croise

LOUTAO 68:11

Mapao nou kharochi sü peie, ae naotumai taoli nou ko aveih nasü pota-e;

ISAIAH 30:15

Khoukhoulai Mapao, Israel maivei Mashio nou maikhe mai hi paoe, “Neletao ahi dakhai velo ae Eye louchelo, sübülouzü neletao hai pfüchi bulai ae kaozhou vei-a bailai.” Ana neletao nou süsü soubare.

JEREMIAH 25:4

Mapao nou neletao hi puhvei kilai rachipaola maiye seive peie, ana neletao nou puletao vei chi sü keipei bare, moyuma lenou peimore.

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

HOSEA 11:2

Enou chuo puletaoye kupu khaige, puletao hai Ahinou tadou pu ta-a baire; puletao nou Baal ye sü posheela peipua baire, alia basharaye sü kainüvei nou meidei peia tho baire.

HOSEA 11:7

Amaitao hai ahinou turei talai tea tetei lou baire, südonou puletaoye pa kou süyu pfülai, puletao nou pfüyu kou nasü mai linoua pokouh peilou hoe.

ZEPHANIAH 1:7

Mapao Ramai nghoujü hi ngasoua bulouo, daisounou tiyuo, Puhnou chikure teile sü nghire. Mapao nou Puhvei maitaoye posheelare donou soudawure alia sheela peilaiyu shemai-a soudawure.

MATHIU 21:34

Darkha rashi haiyu teile veyu kisü, puhnou puh kilaimai taoye puhvei zha poloure donou kipei khomai taohi seive.

MATHIU 23:37

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 9:15

Jisu nou puletao hi paoe, “Sheenghiyu buh hi shemaitao nou sheerepunou puletaoye koa bubusasü levea-a bulou süwu? Sükulouhoe! Ana sheerepuye puletao hinou potalaiyu teithesü velai, alia sükinou puletao sü lühlai.

LUK NOU RÜYU KO AVEIBVÜ 13:34

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puhvei shou khenou bvüpeiyu kua Enou ne nahmai taoye pha kasho koute tobai soumoa bvüpei nüsa, ana nenou bakhaoe!

LUK NOU RÜYU KO AVEIBVÜ 15:28

“Ana puhsü rarouloua kihi talou bare. Südonou puhpuonou vakouhi tapaloua puhye kihi talou loure kukhai kukhai loure,

LUK NOU RÜYU KO AVEIBVÜ 19:27

Ana Eye panou puletao pei hi veo sounü moyu Avei ngaoba maitao donou louzü, puletaoye buh haihi saveloua Anghojü hinou southeawu wo!’ ”

JOHAN 5:40

Sütoukhaia neletao nou ahri ngaoloure donou Ahi venü moe.

SEI-ATAMAI VAHTAO 13:45

Ana Jihudimai taonou maisouye ngaoloukhaie ngaorai sholoua Paul nou paoyu hisü veiva loure ea puhye sü konü loure.

ROMMAI 10:21

Ana puhnou Israel maitao vanou paoe, “Heamadzü Enou Abao topaloua paoyu zümoyu ea rochiyu maitaoye sheloure donou bue.”

EBRIAMAI 12:25

Südonou leikeilo, alia chipao-a buyu puhye bayu souwuso. Daiolouzü deiphao hinou puletao hi Ramai chipao pove peiyu puhye puletao nou bayu ki puletao sü tupa louho louzü, raki hinou chi pao-a buyu puhye Eletao nou bayu kisü Eletao sü daizhozhou tateia tupa loulai!

EBRIAMAI 9:15

Qo haina donou Khrista hai vo ashu vei kolelou-apeio süe, südonou Ramai nou kolouyu puletao nou apaopei khaitouyu teisa vei kaalo nasü ngaoloulai, daiolouzü vo araina nou bubuki maikhe mainou mah soukhai touyu hinou puletao phaohupa peire donou maili thaipeire.

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.