MATHIU 22:16 - SHEEYU BAIBEL (BSI)

¹⁶ süthaisü puletao nou puletao vei rozümai kamai ea Herod mai kamaiye koa puh hi seive, alia puletao nou paoe, “Dou-apeio, nehai chechechi paowe ea nenou Ramai ludu hai cheche hinou doupeiwe touyu ea nenou maitali donou domoe touyu hai Ehnou süwe; daiolouzü newo maipah zhumoe.

MATHIU 22:16 Iomraidhean Croise

1 VEMAITO 22:14

Ana Mikaiah nou chila peie, “Mapao hai hriyu thaifüa Mapao nou ahi paoyu nasü E pao-a bailai.”

LOUTAO 12:2

Mai hrülai hai ali nou ali hi müvei müthea nou dahrü hrüa lalu va-a baire.

LOUTAO 5:9

Puletao vei chipao hai louchelou veiyu hae, puletao hai souha peire likhei jüpa-a bubaie. Puletao vei raoqulu hai thaimai khü ali kheihaoe; puletao mali hai maiye thao-a jüyu khaikho baie.

LOUTAO 55:21

Puhvei chipao lako hai laivoudzü jünou jüpu hie, ana puhvei tsüle hiolouzü ngaorayu nou phoutao-a bubaie; puhvei chipao khesü theadzü nakhai touyu büe, ana sütao nou khoche hei veiyu büa maiye zhizhu peiwe.

TSÜCHITAO 29:5

Mai linou puh kinapaye chechemoa paosho peiyu hai lah phi hi rüh southouyu büa baie.

MALAKAI 2:6

Acheche chikha sü puh mü hinou bue, alia puh mütai hisü mahyu alikhei-a hae. Puhnou kaona hinou alia acheche hinou Eye koa ta-e, alia mah hinou puhnou maitaolia souzü peie.

MALAKAI 2:9

Südonou ne sü maikhemai nghoujü hinou hraongu soupeilai, daisounou touyuo, nenou avei ludu nasü tamoe, ana nenou maikhe maiye soukua chikha sü doupeiwe.

MATHIU 22:24

“Dou-apeio, Moses nou paoe, ‘Maita linou tou-nah ha-a thaita louzü puh thaihounou maisüna chapfüye nayu chie, alia sübüa nahmai panou hrüloua puhye sü thaitayu mai sünavei tou-nah tea polai.’

MATHIU 22:26

Sübüa ahai chena hia, asü chena hia ea anai chenahi koute sü kheihao loure.

MATHIU 26:18

Puhnou paoe, “Nuhdu nahi talouloua mai alihi paokhaio, ‘Dou-apeio nou paoe, Avei teile ngheire; Enou neki hinou rozümai taoye koa Tachonüh nülai.’ ”

MATHIU 26:49

Alia puhnou Jisu hi thalasou takouloua paoe, “Khurüwe, Dou-apeio,” alia sübüa puhye kou münou mue.

MARK 10:17

Alia Jisu nou veihduhi tapua buyu hinou, mai alinou taveloua ea puh nghojünou kou khou khüloua puh hi noue, “Dou-apei Aveio, teisa ahri ngaoloure donou Enou dai soulai?”

MARK 12:13

Phariseemai kamaitao ea Herod memaitao kamaiye Jisu mah phoupa loure donou Jisu hi seive-a panou chinoue.

MARK 12:14

Puletao nou puh hi taveloua paoe, “Dou-apeio, newo mainou daitea cholai touyu vanou domoa chichenou paobaiwe touyu hai Ehnou süe; daiolouzü newo maizhai zhumoe, ana Ramai vei ludu hai chekhaoa doupei baiwe. Kaisar hi kikha peiyu razhai buho hae, Eh hi paopeio? Ehnou süsü peilaiho, peilaimoe?”

MARK 3:6

Südonou Pharisee maitaosü rathobuh hinou tapare, alia puhye kabüa souhaloulai touyu vanou thalasou Herod memaitaoye koa chikhaitare.

MARK 8:15

Jisu nou puletaoye tukha-a paoe, “Leikeilo, Phariseemai ea Herod vei kheih zhutoulo.”

LUK NOU RÜYU KO AVEIBVÜ 20:21

Südonou mai sütaonou Jisu hi noue, “Dou-apeio, nenou cheche sü paowe ea doupeiwe, alia maitalihia zhai soukumoe, ana Ramai vei ludu nasü chekhaoa doupeie touyu sü Ehnou süe.

LUK NOU RÜYU KO AVEIBVÜ 7:40

Alia Jisu nou puh hi chala-a haibüa paoe, “Simon, Enou nehi chili paolai.” Puhnou paoe, “Dou-apeio, süsü daie? Ahi paongaokhaio.”

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 7:18

Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.

2 KORINTHMAI 2:17

Eletaowo Ramai chipao souzhoyu kukhemai taoli sütao bümoe; ana Ramai nou Ehye süpeiyu donou puh nghojünou Khrista vei kilaitao büa Ehnou le loushoa chi paowe.

2 KORINTHMAI 4:2

Ehnou kheikhei souyu ea ahraoyu vah teitei thaowure; Ehnou mada-a vah soumoe, moa Ehnou Ramai chipao sü mah-a doupei moe. Acheche vei dukhyayu ava hinou Ehsü Ramai nghojünou hrüwe ea lah Ehye mai hrülai vei veishoyu lekhe tsühi thoupeire donou Ehnou tewe.

2 KORINTHMAI 5:16

Südonou chushonou Ehnou maitaliye emai zhai thaifüa chikukhai more. Teile alihi Ehnou Khristaye emai zhai thaifüa chikukhaia, chuo Ehnou puhye sübüa chikukhai more.

GALATIAMAI 1:10

Chu Enou emai vei ae-ao touyu phouho, Ramai vei ae-ao touyu phouwe? Moa Enou maikhe maiye sousa loure tewu? Chukoutea Enou maikhe maiye sousa loure te-a bulouzü, Esü Khrista vei kilai ali soua bulaimoe.

GALATIAMAI 2:6

Ana süthai-apeimai zhaisoua buyu maitaowo (Enou sübüa paoyu süolouzü puletao nou daidai soua bukhaia sünanou Ahi halia soukuyu hae; Ramaiwo maizhai zhumoe) puletao nou Avei chipao jünou halia thoupure hae.

PAODAKHAIYU CHIKHA 33:9

Puletao hai puletao vei pfüpuo, thaihou-jürai maitao, ae puletao vei nahmaitao jünou neye leshipu hie touyu sü puletao vah hinou soungaoe. Puletao nou nevei chikhatao ae nenou vo soukhai touyu sü züwe.

1 THESSALONIMAI 2:4

Ana Ehye panou Ramai nou paonüyu sünanou Ehnou teisanou paobaiwe, daiolouzü Ko Avei nasü Ehyenou paodouzüe tea puhnou Eh bah hi lüthou peire. Ehnou mai züpa soure temoe, ana Eh tsüle süa buyu Ramai puh züpa soure donou baie.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.