MATHIU 22:13 - SHEEYU BAIBEL (BSI)

¹³ Süthaisü Veonou kilaimai taohi paoe, ‘Puh phibah phulo, alia puhye vakou maiyu buh hi polai pawo. Sühinou puh sü kralai ea puh hu veikükülai.’”

MATHIU 22:13 Iomraidhean Croise

LOUTAO 112:10

Mai ashi mainou hai khesü ngaoloua lekha-e; puletao hai lekha shopoa nou hakata-a baiwe; puletao nou jüpa-a vurei-a buyu khesü hata baiwe.

LOUTAO 37:12

Mai shiyu maitao nou acheche maitaoye soushi peilai tea rowe, ae puletaoye ngaora shoa nou huh tukeke poa zhuwe.

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

DANIEL 3:20

Veo nou puhvei reihmaitao hrohinou khoukayu maitaoliye panou Shadrak, Meshak ae Abednego puletaoye sü rai nou phuloua meifü hisü laithouwo tea kharochi peiwure.

MATHIU 12:29

“Moa kabüa maitalinou khouyumai alikihi dakhao loulouzü, rai-a puhye rainou phukhaiwu moanou puhvei nataosü po-a taloulai? Chechenou sübüa soulouyu thainou puhnou puh kisü vaopoa taloulai.

MATHIU 13:30

Cha chimo koutesü panou southou ea khataoye koa paoa buwo; alia cha chiyu phakinou Enou cha chiyumai taohi rai-a khataoye paipawuwo ea sütaosü khu khunou khuloua meihi pothou deiwo, ana southouwo louzü podzüloua Avei thoupaohi pove khaiwuwo; tea paolai.’”

MATHIU 13:42

alia puletao nou mai sütaoye meifühi polai thouwu-a sühinou puletaosü kralai ea puletao huh sü veikükülai.

MATHIU 13:50

alia puletaoye sü meifühi polai thouwulai; sühinou puletaosü kralai ea puletao huh sü veikükülai.”

MATHIU 24:51

Alia puhye tudee peilai ea aveikho soumai taoye koa pokhaiwulai; sühinou puhsü kralai ea puh huhsü veikükülai.

MATHIU 25:30

Alia hakoyu kilai sünaye vakou teizhi buh hi polai pawo; sühinou puhsü kralai ea puh huh sü veikükülai.’

MATHIU 8:12

Ana Vedei vei nahmaitaoye sü vakou maiteiyu buh hi polaipa thouwulai, sühinou puletao sü kralai ea puletao huh sü vei kükülai.”

LUK NOU RÜYU KO AVEIBVÜ 13:28

Neletao nou Abraham Isak, Jakob ea rachi paolamaitao hrülaiye Ramai Vedei hinou buyu, ana neletaoye vakouhi polai payu ngaolouyu kisü sühinou neletaosü kra-a neletao huhsü veikükülai.

JOHAN 21:18

Cheche vuzünou Enou nehi paowe, nenou nahlebuki louzü nelah sahvealoua nenou taho nüyu buh hisü nenou tabaiwe; ana nenou tsüloulouzü, nenou nebah sü topalai, alia kukhe alinou neye phuloua nenou tanümoyu buh hi satalai.”

SEI-ATAMAI VAHTAO 21:11

Alia puhnou Eletao hi tave louloua Paul khyakhosü poloua lah phi-bah sü phuloua paoe, “Rako Mashinou haikua paoe: südonou Jerusalem hi buyu Jihudimai taonou khyakho haina vei paopuye haibüa phuloua puhye sü tahrüh kukhe maitao bah hi thou peilai.”

SEI-ATAMAI VAHTAO 7:54

Chuo puletao nou chipao sütaosü choulouyu kisü rarouche rarouloua puhpei hisü motoua hu tutsütsü loure.

2 THESSALONIMAI 1:9

Puletao sü teisanou souhawuyu ea Mapao vei nghojünou ea puhvei khouko ava hinou buh ku-a pokhaiyu vei tudee nasü ngaolai.

2 PITAR 2:17

Mai haitao hai thekeikeiyu dzühoung kue ea teikhai teirünou hüpfüa laiyu teihao kue; puletaoye donou thouthoulai teizhi buh süsü Ramai nou souda khaire.

2 PITAR 2:4

Mah souyu rakivamai taoye Ramai nou tudei moa khaimoe, ana puletaoye sü meizai buh hi laithoure, sühinou puletaoye sü teizhi hinou phukhaiwu-a Chikuyu Teithe sünasü panou khoa buwe.

JUD VEI SEIKO 1:13

Puletao sü lah puletao vei ahrao nanou dzümala büa houngpayu shishoyu dzü-akhüh nasüe; puletaosü motayu teivuhtaoe; puletaoye donou maiteiyu teizhibuh nasü teisa donou khaidare.

JUD VEI SEIKO 1:6

Alia lah puletao vei buh hinou bumoa puletao vei chekhaoyu buh nasü thaowu-a tayu rakiva maitaoye sü puhnou Dushoyu Chikuyu Teithe süki koumo sasü hakhailai moyu hurainou phuloua khekou teizhi buh hi bekhaire.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.