MATHIU 21:44 - SHEEYU BAIBEL (BSI)

⁴⁴ (Alia maita linou chuh haina phaonou dulouzü puhsü zhusasawulai; ana chuh sünanou maitali pei hi dekou louzü, sünanou puhye reisasawulai.”)

MATHIU 21:44 Iomraidhean Croise

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 2:9

Nenou hu süda poloua puletaoye souphe peilai, nenou puletaoye nailee ali büa souphesasa peilai.”

ISAIAH 28:13

Südonou Mapao nou neletaoye sü larüchah alili nou, lu alili nou, ae chichi nou doupei laire. Süthaisü neletao hai phika kapayu chüsü phisü loulai. Neletao hai zhizhu loulai, rüh hinou muloulai, alia hukhamai soua nüpoa talai.

ISAIAH 60:12

Ana neletao vei kuvah soumoyu tyahrütao sü souhazei bailai.

ZEKHARIAH 12:3

Ana haibüyu teile sü velai, Enou Jerusalem ye süshoyu chuh ali büa soupeilai, sünaye sü mai talinoua polaiwulai teanou poyu maisü lah puhye zhilou bailai. Süthai deiphao hi buyu tyahrü hrülai nou ve louzho loua puhye sü dulai.

MATHIU 21:43

“Südonou Enou neletao hi paowe, Ramai Vedeihai neletao hinou potawulai ea sünavei rashi panou shilaiyu tahrüh kukhe lihi peiwulai.

MATHIU 21:45

Napao adumaitao ea Pharisee maitao nou Jisu vei nadatao choulouyu kisü, puhnou puletao vanou paobaie touyu hai süloure,

MATHIU 26:24

Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MATHIU 27:25

Alia maikhemai hrülainou chila peie, “Puh thaiyu donou tudee verenasü Eletao pei hi ea Eletao nahmai pei hi vetheo!”

LUK NOU RÜYU KO AVEIBVÜ 2:34

Süthaisü Simeon nou puletao hi hapei-a puh pfü Meri hi paoe, “Zhukhaio, nahtou hainasü Israel maitao alao donou kaotare ea maitaoli donou lashu loure, alia maikhe mainou paoshisho peilaiyu shee süna donou dopapei khaitoue,

LUK NOU RÜYU KO AVEIBVÜ 20:18

Chuh süna phaonou kaoduyu mai talisü zhusasawulai; ana chuh sünanou mai tali vahi dukou deiwulouzü sünanou puhye sü reisasawulai.”

JOHAN 19:11

Jisu nou puh hi chila peie, “Sünahai Ramai nou nehi peimoyukowo nenou Apei hi soure khouko alia bulai moe; südonou Eye nebah hi thoupeiyu puh vei mahnou dupuhie.”

ROMMAI 9:33

Haisü haibüa rüthouyu kue, “Zhukhaio, maikhe maiye panou phisü loure chuh, puletaoye soukaore chuhdu ali Enou Zion hi pokhai khaitoue. Ana puhye loucheyu mai taliye sü panou ahrao ngaolaimoe.”

1 THESSALONIMAI 2:16

Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!

1 PITAR 2:8

Alia kukhe sheeyu larübvü buh ali hinou paoe, “Maikhe maiye panou phi sülou laiyu chuh nasü hainae, puletaoye panou kaodu laiyu chuhdu nasü hainae.” Puletao sü phi süloure daiolouzü puletao nou chipao nasü louche moe; sükuyu hai puletaoye donou Ramai nou lichoyu nasüe.