MATHIU 21:35 - SHEEYU BAIBEL (BSI)

³⁵ Kipei khomai taonou puhvei kilai taoye niloua aliye dapeire, kukhe aliye southeare, alia kukhe aliye chuhnou deipeire.

MATHIU 21:35 Iomraidhean Croise

1 VEMAITO 18:13

Jezebel nou Mapao vei rachipaoyu maiye southayu phaki, Enou rachipaoyu mai kaihli, me ahai soua mai raingou raingou nou lyaqulu hi poku khaitoua Enou puletaoye touso ae dzü peia nou bue touyu ne sümovu?

1 VEMAITO 18:4

ae Jezebel nou Mapao vei rachipaolayu maitaoye southayu phaki, Obadiah nou rachipaolayu mai kaihli hai saloua me ahai souloua, me ali hinou mai raingou raingou hai lyaqulu hinou poku khaipeie, ae puhnou puletaoye touso ae dzü hai peie.)

1 VEMAITO 19:10

Elijah nou chila peie, “Hali-hala soulousüo Ramai Mapao, Enou nevei kuvah likhei soua baie. Ana Israel mai nou neye koa vo soukhai touyu sü pfüthore, nevei posheelabu sü soushire, ae nevei rachipaolayu mai hrülaiye sü southare. Eye likhei shokhai toua bua baire— ae puletao nou E-a southare donou phoua nou bue.”

1 VEMAITO 19:2

Süthaisü Jezebel nou kopomai aliye Elijah hi haibüa paove-e, “Dosho chu teile phahi Enou neye nenou rachipaolayu maitao hi soupeiyu bütoua soupei moyu thaio Ramai panou Eye southa theo.”

1 VEMAITO 22:24

Süthaisü Kenaanah nahpoutu Zedekiah nou takou Mikaiah ye sü baitu hi phapeiwua puh hi paoe, “Daisouyu teile hinou Mapao vei rako sü Eye thaokhaiwua neye keage?”

2 PUOPAOKO 16:10

Haibüa paopei khaie, Veo Asa nou rachipaolawo naye sü rarou sholoure, ae puhye sü hukhaki hi nüthou khaiwure. Teile hai phaki Asa veo nou rarou sholoua kamai-a soushi shopeie.

NEHEMIAH 9:26

“Ana nevei maitao nou ne chi züba-a khaityare; puletao nou nevei Chikha khesü thaifü bare. Ne hi dakhai velo tea puletao hi paopi peiyu nevei rachipaola peiyu maitaoye sü puletao nou datha peie. Puletao nou neye sü tobai soumoa paoshi peie,

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 26:8

alia Mapao nou ahi paopeio tea kharochi peikhai touyu chitao sü paocheyu thai, puletao nou Eye nüloua haibüa shapaore, “Nenou chi paoyu thaifüa ne sü thailai!

JEREMIAH 37:15

Puletao nou lekha sholoua Eye dapeio, ae rü-apeio Jonathan ki hinou bekhaio tea kharochi peire, daiolouzü puh ki hai hukhaki souwure.

MATHIU 21:34

Darkha rashi haiyu teile veyu kisü, puhnou puh kilaimai taoye puhvei zha poloure donou kipei khomai taohi seive.

MATHIU 21:36

Süthai-a raikivei jünou koua puhnou kukhe kilaimaitaoye seive; alia kipei khomai taonou puletao hi-a raiki vei büa soupeire.

MATHIU 5:12

Va-salo, daiolouzü neletao vei buusü raki hinou dusho-a bue, daiolouzü süzhai bütoua neletao jünou rai-a hrüyu rachi paolamai taoye maikhe mainou souvea-souho peie.

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.