MATHIU 21:31 - SHEEYU BAIBEL (BSI)

³¹ Puhai hi kananou puh puo vei leli soue?” Puletao nou chila peie, “Tsüna noue.” Südonou Jisu nou puletao hi paoe, “Chechenou Enou neletao hi paowe, neletaojü rai-a kikha khamai ea khakhamai taonou Ramai Vedeihi vetare,

MATHIU 21:31 Iomraidhean Croise

JOB VEI LARÜBVÜ 15:6

Enou neye mahwe tea paoyu komoe, lah nenou paopayu chipaotao nou ne hai mah-e touyu süwe.

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

MATHIU 18:3

“Enou neletao hi chekhaoa paoe, neletao nou dakhailou nahmaitao bümo louzü, neletao hai haki-a Raki Vedeihi velou louhoe.

MATHIU 20:16

Alia Jisu nou akhai soua paoe, “Südonou nakaiyu taonou railai, alia raikaiyu taonou nalai.”

MATHIU 21:30

Süthaisü puonou napuhi taveloua sükheihao-a paokhaie; alia puhnou chila peie, ‘Puo, E talai,’ ana puhsü tamoe.

MATHIU 5:18

Cheche vuzünou Enou neletao hi paowe, raki ea deiphao hatamosa koute razhai hinou chahko taili moa chahko daopouyu li koutea sütao teitei vetemo koutesü halaimoe.

MATHIU 5:46

Daiolouzü neletao nou neletaoye leshimai likheiye leshi bailouzü, daidonou Ramai nou neletaoye buu peilai? Süsü kikha khamai koutenou-a souwe!

MATHIU 6:5

“Neletao nou veachi paoyu kisü aveikho souyumai büwuso. Puletao nou mai hrülaiye panou puletaoye ngaoloure donou rathobuhtao ea ludukai hinou la-a veachi paoyu züpae. Enou neletao hi chechenou paowe, puletao nou puletao buusü ngaoche loure.

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

MATHIU 9:9

Jisu nou buh süsü thaowu-a takouyu phahinou kikha khayu Mathiuye puhvei vahki hinou chobua buyu sü ngaoloure. Puhnou puh hi paoe, “Athai fülo.” Alia Mathiu nou shuloua puhthai fütare.

LUK NOU RÜYU KO AVEIBVÜ 15:10

Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”

LUK NOU RÜYU KO AVEIBVÜ 19:22

Puhnou puh hi paoe, ‘Ashi kilai! Nevei chipaonou Enou neye chikulai. Ehai lekha shiyu, Enou pothoukhai moyu buh hinou popalouyu ea thoutai vumoyu buh hinou chilouyu mai alie touyu sü nenou süwe.

LUK NOU RÜYU KO AVEIBVÜ 7:29

Alia maikhemai hrülai ea kikha khamaitao nou Jisu vei chipaotao choulouyu kisü Johan hinou dzükhao daloua Ramaiye nou chekhaoe tea poloure.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

SEI-ATAMAI VAHTAO 17:30

Ramai nou dao raiki maikhe mainou puhye sülou moyu teile hiwo ngaoa ngaomokho soupeire, ana chuo buh liki buyu mai hrülaiye panou le daloure puhnou chikha peire.

ROMMAI 3:19

Chuo Eletao nou süloure, süolouzü emai hrülaiye panou paikhaimoa ea deiphao teiteiye Ramai vei chikuyu khehi pove khailoure donou, razhainou paokhai touyu pfüphou sü razhai khehinou hrüa buyutao donou paokhai toubaie.

ROMMAI 5:20

Mah sü panou pupa loure donou razhai hai vepeie; ana mah alaosou buyu hisü, zhuvea nou alaosou koua bue.

2 PITAR 3:9

Kamainou shosho soubaie tea chokhai-a, Mapaowo louzü puhnou apaopei khaitouyu soupeire hisü shosho soumoe. Süjüwo, puhnou neletaoye koa shamea peiwe, daiolouzü puhnou maitaliye hai panou souhawuyu sü züpa moe, ana maikhemai hrülaiye panou puletao mah hinou le dalouyu sü züpawe.