MATHIU 21:1 - SHEEYU BAIBEL (BSI)

¹ Alia Jisu ea puh rozümai taonou Jerusalem hi takou ngheiyu kisü Oliv deichi hi buyu Bethphage nuhduhi tave loure. Sühinou Jisu nou rai-a rozümai ahaiye seitare,

MATHIU 21:1 Iomraidhean Croise

ZEKHARIAH 14:4

Süzhou teithe Jerusalem vei teinghi palova buyu Oliv deichi hisü puhnou kouh laloulai; süthaisü Oliv deichi nasü teinghi palova nou poa teinghi loulova koute hai deikho aduli nou lou dakho ahai souwulai. Deichi dahli hai reilova khetalai, ae dahli hai khelova kouhtalai.

MATHIU 20:34

Jisu nou puhaiye zhuvealoua puhai nghithousü kou deipeie, alia sübü hinou puhai nghithousü ngaoloure ea puhai nou puhthai füloure.

MATHIU 21:2

alia puhaihi haibüa paopeie, “Nehai nghojühi buyu nuh nahi takouwo, alia thala-a nehainou rheisüh küliye puh toutuye koa khikhai touyu sü ngaolai; sühaiye rai pheipa loua Ahi süthai vepeio.

MATHIU 24:3

Alia Jisu nou Oliv deichi hi pa bulouyu kisü rozümai taonou kheia puh hi taveloua paoe, “Haitaohai duki palai, alia ne velaiyu shee ea akhai vei shee dainoulai? Eletao hi paopeio.”

MATHIU 26:30

Alia puletao nou lou ali soulouyu thaisü Oliv deichi hi tapare.

MARK 13:3

Alia Jisu nou Oliv deichi hinou chobua rathoki hilo puhpah pfüreia buyu phahinou Pitar, Jems, Johan ea Andrew nou khei-a puh hi tave noue,

MARK 14:26

Süthaisü puletao nou lou ali souloua Oliv deichi vahi tapare.

LUK NOU RÜYU KO AVEIBVÜ 21:37

Alia teithe tsüsü puhnou Rathoki hinou doupei-a bue, ana kheipha hisü puhnou vakouhi taloua Oliv tea kuyu deichi hinou ve chao-a bue.

LUK NOU RÜYU KO AVEIBVÜ 22:39

Alia Jisu nou vakouhi tapaloua raichoki büa Oliv deichi hi tare; alia rozümai tao-a puhthaifü-a tare.

JOHAN 8:1

[Süthaisü puletao hrülaisü lahlah kihi vetare, ana Jisuwo louzü Oliv deichi hi tare.

SEI-ATAMAI VAHTAO 1:12

Süthaisü puletao nou Jerusalem ngheiki buyu kaacho alipha douyu Oliv tea kuyu deichi hinou Jerusalem hi khaivere.