MATHIU 20:28 - SHEEYU BAIBEL (BSI)

²⁸ Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 20:28 Iomraidhean Croise

JOB VEI LARÜBVÜ 33:24

Zhuvea leshi hinou rakivamai nanou paolai, “Puletaoye phapeio! Puletaoye panou athai maivei teidei hi holai mohie. Puletaoye phapeire donou muh sü haihi bure.”

LOUTAO 49:7

Mai ali koute-a lah nou lahye khailupa louhoe; puhnou puhvei hrümamai muh hai Ramai hi khapei louhoe,

ISAIAH 53:5

Ana Etao nou mahmo souyu donou puhye sü zhipeia baie, Etao vei vah ashi souyu vanou puhye dapeia baie. Puhye souvea peiyu donou Etaoye souveih peia baie, ae puhye zhimü soupa peiyu donou Etaoye souvei peie.

ISAIAH 53:8

Puhye sü nüloua souvea peia nou chikuyu buh hinou süthai poa tare, mai linoua puhye donou tea chopei moe. Etao mahmo donou puhye sü southawure.

MATHIU 20:27

alia maita linou neletao hrohinou raina sounü louzü, puhye panou neletao vei qila souvu zülai

MATHIU 26:28

daiolouzü haihai mah khaipeire mai alao donou küpa peiyu vo soukhaiyu Azhe nasüe.

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

MARK 10:45

Daiolouzü Mai Nahpoutu koutea maiye panou puh kuvah soure donou vemoe ana mai kuvah soure donou ea puh vei hrirai hai mai alao vei phapeimuh peire donou vebaie.”

MARK 14:24

Alia puhnou puletao hi paoe, “Haihai mai alao donou küpa peiyu Vo soukhaiyu Azhe nasüe.

LUK NOU RÜYU KO AVEIBVÜ 22:27

Daiolouzü arübuh hinou toure donou buyu nanou duhi ho kuvah soua buyu nanou duhie? Arübuh hinou buyu nanou mowu? Ana Ewo neletao hrohinou kuvah souyumai ali büa bue.

ROMMAI 4:25

Daiolouzü Eletao vei mah donou puhye sü southeare donou thoupeire, alia Eletaoye sü Ramaiye koa souzü peiloure donou puhye sü sou hrishu peire.

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

GALATIAMAI 3:13

Ana Khrista nou Eletaoye donou cha daloua, Eletaoye sü Razhai vei cha hinou khaipa peire; daiolouzü sheeyu larübvü hinou haibüa rüthoure, “Süüvanou khiyukhai touyu mai taliye sü Ramai nou chapeire.”

EPHESAMAI 1:7

Daiolouzü Khrista nou thaipeiyu vanou, Eletaoye do soupeire, süolouzü Eletao vei mahsü khaipeire. Ramai vei zhuvea hai daizhozhou dusa,

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 2:10

Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.

EBRIAMAI 5:8

Puhsü Ramainah Poutu khaia puhvei veahoyu hinou paochi züyu sü puhnou douloue.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,