MATHIU 2:4 - SHEEYU BAIBEL (BSI)

⁴ Puhnou napao adumaitao ea razhaidou-apeimai taoye kuve dzüloua puletao hinou, “Khrista hai daikinou nalai?” tea noue.

MATHIU 2:4 Iomraidhean Croise

2 PUOPAOKO 34:13

Levi mai kukhetao nou na polayu ae vah kukhe hi zhupeiwe, ae kamai-a nou soupfüa buyu vahtao hai rükhai peiwe ae khekhe mai-a nou reihkhao souwe.

2 PUOPAOKO 34:15

Süthaisü Hilkiah nou Shaphan hi paoe, “Enou Rathoki hinou Chikha Larübvü sü ngaoloue.” Ae Larübvü nasü puhnou Shaphan hi peie,

2 PUOPAOKO 36:14

Süpei hinou Judah hi süthai-apei maitao, napao maitao ae maisou hai mahmo soua puletao pehao hinou hrüa buyu tyahrütao büa bashara khesü thotare; ae Mapao vuzünou soushee peikhai touyu Rathoki nasü puletao nou souzhaiwure.

EZRA 10:5

Shekaniah nou paoyu na thaifüa Ezra nou süthai-apei, napaomai, Levimai alia mai hrülai nou paoyu na thaifüa soulai teanou koa chachao sü souwure.

EZRA 7:6

Ezra touyu maipu haina nou Babilon thaowua tare. Puh hai Israel maivei Ramai Mapao nou Moses hi peikhai touyu chikhatao hai süveih shoyu mailie. Südonou puhnou khoyu teitei hai veo nou puh hi peikhai toue, daiolouzü Ramai nou puhye koa zhopeiyu donou.

LOUTAO 2:2

Deiphao hi veo maitao nou me souloue, ae peikho maitao nou kheichi phazholoua Mapao hi ae puhnou dolouyu veoye hraiwe.

JEREMIAH 8:8

Neletao hai kabüa ‘Ewo tsü veiwe, ae Mapao vei chikhatao sü süwe’ tea paolouwe? Zhukhaio, chikha khesü tsüle sheemoyu larü rümaitao nou mada-a rüpeiwure.

MALAKAI 2:7

Daiolouzü napao maitao mütai hisü tsüdo aveih chipao paore phae, alia maikhe maiye panou puh hinou chikha phoure phae, daiolouzü puh hai Hrülai pei hi Mapao vei ko aveih pfüve peiyu na-e.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 2:3

Herod Veo nou ko süsü chouloukhaie, puh ea Jerusalem hi bumai hrülaisü leveasho loure.

MATHIU 2:5

Puletao nou chila peie, “Judea hi Bethlehem hinoue, daiolouzü rachi paolawo nanou haibüa rüre:

MATHIU 21:15

Ana napao adumaitao ea razhai dou-apeimai taonou puhnou khupa vahtao souyu ngaoloua ea nahmaitao nou rathoki hinou, “Hosana David Nahpoutu hisü!” tea shayu pai chouloua rarousho loure.

MATHIU 21:23

Alia puhnou rathokihi tave louyu kisü, napao adumaitao ea tsükhemai taonou puhnou doupeia bubukinou puh hi taveloua noue, “Vah haitao souyu nevei zü daibue? Thaohnou nehi zü haina hai peie?”

MATHIU 26:3

Süthaisü napao adumaitao ea tsümai taonou Kaipha tea kuyu napao peichana vei veofühao hinou ve dzüloure,

MATHIU 26:47

Puhnou sübüa chi paobebu kinou, kiahai hrohinou ali soua buyu Judas hai tavere, alia napao adu maitao ea tsümaitao hinou seiveyu khoche ea süda poyu maikhemai alaosou puhye koa laiwe.

MATHIU 27:1

Shohna hisü napao adu maitao ea tsümai taonou Jisu ye southeare donou chikhai loure.

MATHIU 7:29

daiolouzü puhnou razhai dou-apeimai bümoa soulousü zü bumai alibüa puletaoye doupeie.

MARK 8:31

Süthaisü Jisu nou puh rozümai taoye doupei tare: “Mai Nahpoutu hai alaosou vea vuzülai ea tsümaitao, napao adumaitao, alia razhai dou-apeimaitao nou puhye sü motoulai. Puhye sü southeawulai, ana teithe asü thaisü puh hai hrishulai.”

LUK NOU RÜYU KO AVEIBVÜ 20:19

Alia razhai dou-apeimaitao ea napao adumai taonou sübü hinou Jisu ye niloure donou te-e, daiolouzü puhnou nada sünasü puletao pei hi paokhai baie touyu sü puletao nou süe; ana puletao nou maikhe maiye piloure.

LUK NOU RÜYU KO AVEIBVÜ 23:10

Alia napao adu maitao ea razhai dou-apei maitao nou tashu laloua Jisu pei hi sü soutaosoua mah dukhai loure.

JOHAN 18:3

Südonou Judasnou napao adumaitao ea Pharisee maitao hinou seiveyu Rom reihmai ea Rathokihi reihkhaomai taoliye sapoa, meibvü, loumei ea reih bahseitao poloua kipei sünahi tare.

JOHAN 3:10

Jisu nou puh hi chila peie, “Newo Israelmai dou-apeimaili soua haisü sümowu?

JOHAN 7:32

Maisou khemainou Jisu vanou chi kulealeayu sü Pharisee maitao nou chouloure, alia napao adumaitao ea Phariseemai taonou puhye niloure donou reih maiye seive-e.

JOHAN 8:3

Razhai dou-apei maitao ea Pharisee maitao nou khakha mah soua buyu hinou nilouyu naotumai aliye saveloua puhye panou puletao veishi nghojünou laloure.

SEI-ATAMAI VAHTAO 23:9

Sükisü sühisü pai-rao kusho loure alia Phariseemai mehinou razhai dou-apeimai kamainou tashu laloua chihshoa veivaloua paoe, “Ehnou mai haina hinou kao-zümoyu halia ngaoloumoe! Cheche vuzünou, rakonou moa rakivamainou puh hi paongao bukhaia thaohnou sülai!”

SEI-ATAMAI VAHTAO 4:5

Alia thainaisho kisü Jihudimai peichamaitao, tsümaitao ea razhai dou-apeimaitao sü Jerusalem hinou tave dzüloure.

SEI-ATAMAI VAHTAO 6:12

Sükuloua puletao nou maisou, tsümaitao alia razhai dou-apeimai taoye süthou rarou peiwu-a puletao nou tave puhye niloua tsüme nghojü hi save-e.