MATHIU 2:22 - SHEEYU BAIBEL (BSI)

²² Ana Josef nou Herod nah Arkelia nou puh puo süh Judea hi veo soua bue touyu ko chouloua, sühi tavekhai pire. Alia puhye mekou hinou ve doupu peiyu vanou puh hai Galilee teidei hi tare

MATHIU 2:22 Iomraidhean Croise

LOUTAO 121:8

Nenou tapa talouyu veishi sü Mapao nou chunou poa akhai koute hai khosa-a tapeilai.

LOUTAO 48:14

“Ramai haina hai teisa nou Etao vei Ramai nasü soulai; vere teile veishi hia puhnou Etaoye süthaisa-a tapeilai.”

LOUTAO 73:24

Nevei paodou peiyu khenou Eye sü khosa-a laipeie, ae akhai hisü nenou Eye tsükhouyu hinou saloulai.

ISAIAH 30:21

Neletao nou tamah poa zhaolova moa nalova vetayu phaki, neletao vei thailo vanou pai ali nou “Ludu haihi bue, haihinou lou taloua baio” tea paopei-a bailai.

MATHIU 1:20

Haibüa puhnou tsücho-a buyu hinou mekou hi nou Mapao vei rakivamai alinou puh hi veloua paoe, “David nahpoutu Josef, Meri ye ne chapfü soure hai ne piso. Daiolouzü puhnou pou pfüyu hai Rako Mashi hinoue.

MATHIU 2:1

Jisu ye sü Herod nou veo soua bubuki Judea teidei hi buyu Bethlehem nuhdu hinou naloue. Süthaisü thashoa teinghi palova tsüsü mainou Jerusalem hi tave loure ea haibüa noue,

MATHIU 2:19

Herod nou thaiyu thaisü, Ejipt hinou Mapao vei rakivamai alinou Josef mekou hinou vengaopeia paoe,

MATHIU 2:21

Südonou Josef nou kaishuloua nah süna ea puh pfüye saloua Israel teidei hi dakhai vere.

MATHIU 3:13

Süpha kisü Jisu nou Galilee hinou Jordan hi Johanye panou dzükhao dapeire donou tave louloure.

LUK NOU RÜYU KO AVEIBVÜ 2:39

Alia Josef ea Meri nou Mapao vei razhai thaifüa naa soure souchewuyu thaisü, puletaosü lah puletao vei nuhbuh Galilee hi buyu Nazareth hi khaitare.

JOHAN 7:52

Puletao nou chila peie, “Ne-a Galilee hinou vewu? Sheeyu Larübvü hinou phoukhaio ea Galilee hinou rachi paolamai lia pakhaimoe touyu sü nenou ngaolai.”

1 SAMUEL 16:2

Samuel nou chila peie, “Enou süsü kabüa soukhai laige? Hakinou Saul nou sülouyu thaio, puhnou Eye sü southa bailai.” Mapao nou chila peie, “Ne cholou ali hulo, ae Mapao ye poa sheela peilai tea paolo.