MATHIU 2:13 - SHEEYU BAIBEL (BSI)

¹³ Puletao nou talouyu thaisü Mapao vei rakivamai alinou Josef mekouhi veloua puh hi paoe, “Herodnou nah sünaye southeare donou phoulaire. Südonou kaishulouwo ea nah sünaye puh pfüye koa saloua Ejipt hi tutawo ea Enou khaitawo tea paopeimo koutesü sühinou buwo.”

MATHIU 2:13 Iomraidhean Croise

1 VEMAITO 11:17

anou Hadad alia puh puo vei kilai mai kamaiye saloua nou Ejipt hinou bailoure. (Süphaki Haded sü nahmaitou soua baihie.)

1 VEMAITO 3:5

Süzhou khei Ramai nou puh mekou hinou taveloua puh hi noue, “Enou neye donou dai peiyu ne jüpawe?”

JOB VEI LARÜBVÜ 33:15

Kheiki mainou zhi-a buyu teile hinou Ramai nou zhiho mekou ae zho kounou chaku peiwe.

JOB VEI LARÜBVÜ 33:17

Puletao nou mahmo souyu sü thaowure donou Ramai nou paopi peie, ae khaophu soumore donou paopeie.

TAPALOUYU 1:22

Süthaisü Pharoah veo nou puhvei mai hrülai hisü haibüa kharochi peie, “Hebrew mai kihikha nou nakouyu nahpoutu mai hrülai sü Nail rei hi laithouwo, ana naotu maiye panou hriwo.”

MATHIU 1:20

Haibüa puhnou tsücho-a buyu hinou mekou hi nou Mapao vei rakivamai alinou puh hi veloua paoe, “David nahpoutu Josef, Meri ye ne chapfü soure hai ne piso. Daiolouzü puhnou pou pfüyu hai Rako Mashi hinoue.

MATHIU 10:23

Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.

MATHIU 2:12

Süthaisü puletao nou ludu kukheli hilonou puletao teidei hilo tare, daiolouzü Ramai nou puletaoye mekounou Herod hi dakhai veso tea tukhapeie.

MATHIU 2:14

Josef nou kaishuloua nah sünaye puh pfüye koa saloua khei hinou Ejipt hi tare,

MATHIU 2:16

Herod nou puhye hai teinghi palova tsüsümai taonou lawure touyu sülouyu kisü puhsü rarousho loure. Puhnou Bethlehem hi ea süna ngheiki hi buyu nuhtao hi nahpoutumai po ahai payu ea sü khehi buyu hrülaiye southeare donou kharochi peire, haihai puhnou tsüsümaitao hinou teivuh sünanou payu phateile sülouyu thaifüa soue.

MATHIU 2:22

Ana Josef nou Herod nah Arkelia nou puh puo süh Judea hi veo soua bue touyu ko chouloua, sühi tavekhai pire. Alia puhye mekou hinou ve doupu peiyu vanou puh hai Galilee teidei hi tare

SEI-ATAMAI VAHTAO 10:22

Puletao nou chila peie, “Eletaoye reihmai kaihpei chawo Kornelia nou seive-e. Puh hai Jihudimai hrülainou tsükhouyu acheche ea Ramaiye piyu mai lie. Puhye panou nevei chipao sü keiloure donou neye puh kihi kuvere donou sheeyu rakivamai alinou puh hi paopeie.”

SEI-ATAMAI VAHTAO 10:7

Alia puhye chi phayu rakivamai sünanou tayu thaisü puhnou puh kilai ahaiye ea puh kuvah soure donou dopakhai touyu, rathoyu hinou leishoyu puhvei reihmai aliye puhnou kuloua,

SEI-ATAMAI VAHTAO 12:11

Sükisü Pitar nou puh hi dai paresa touyu sü süloua, “Chuwo Mapao nou puhvei rakivamai seikoupeia Eye Herod bah hinou ea Jihudimai taonou zhia buyu teitei hinou khaipa peire touyu sü Enou sütou loure,” tea puh lahnou paoe.

SEI-ATAMAI VAHTAO 12:7

Alia sükhaimoa Mapao vei rakivamai alinou sühisü kou laloua buh sühisü avanou varu loure. Sühinou rakivamai sünanou kou Pitar phao hinou tao-nguloua puhye soukaiwu-a paoe, “Thashoa shulo!” Alia sükisü hurai nasü Pitar bah hinou dekoure.

SEI-ATAMAI VAHTAO 16:36

Alia hukhaki khowonou chipao süsü Paul hi paongao-a, “Chi kupeire paopumai taonou Sailas nehaiye phapeio touyu kharochi seivewe. Südonou chuo tapaloua kaona-a tawo,” tea paoe.

SEI-ATAMAI VAHTAO 5:19

Ana süzhou khei Mapao vei rakivamai alinou ve hukhaki kikhu taosü houpa peire ea puletaoye vakou sapaloua paoe,

SEI-ATAMAI VAHTAO 7:19

Veo sünanou Eh puo-paomaitao hisü doshilih soua sahrüe ea Eh puo khemaitao hisü puletao vei nahmai taitukheye sü puletao ki hinou polaipawu-a panou vakounou thaire donou tukha-tudei-a souveasho peie.

JOSHUA 3:13

Mapao vei Vo Sübvü poa tayu napao maitao nou talou Jordan reidzü heade toulouzü, Jordan reidzü sü kümoa shoa bailai, alia reikou nou kükouyu reidzü tao-a kholi sou-a bu bailai.”

JOSHUA 3:17

Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.

JOSHUA 4:10

Moses hi Mapao nou kharochi peikhai touyu taohai Joshua nou maisou hi phouche loumo koute, Vo Sübvü poa buyu napao maitao nou Jordan rei touchü hinou la-a bupeie. Süphaki Israel mainou thasho-a rei sü kacho kouloue.

JOSHUA 4:18

Süthaisü Mapao vei Vo Sübvü poa laiyu napao maitao nou Jordan rei touchü hinou tapa loure, alia puletao nou tapoa deithe hi paloure toukhai-e, Jordan reidzü sü raiki küyu büa kütare alia kükou reipe teitei sü phouloure.

PONGAOPEIYU 12:14

Ana naotupai sünaye panou puhye donou soudakhai touyu buh, rekouhi zhaoholoua sühinou puhye sü zai nghoudu sünanou souveayu hinou khaipaloua po asü-a pohli kipeia buloure donou puh hisü dushoyu lühche sünavei shouh ahai peire,

PONGAOPEIYU 12:4

Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.