MATHIU 2:12 - SHEEYU BAIBEL (BSI)

¹² Süthaisü puletao nou ludu kukheli hilonou puletao teidei hilo tare, daiolouzü Ramai nou puletaoye mekounou Herod hi dakhai veso tea tukhapeie.

MATHIU 2:12 Iomraidhean Croise

SHURAI 31:24

Ana Ramai nou Aramean puona Laban hi süzhou khei zhiho mekou nou ve “Ne Jakob hi chishi lia paolai moe touyu sülo” tea paore.

TAPALOUYU 1:17

Ana nah sa-a napeiyu naotupai ahai sünou Ramai ye ngaopiyu mai-e, südonou Ejipt hi veo nou puhai hi kharochi peiyu nasü soumoa panou nahpoutu khesü hriloure.

DANIEL 2:19

Süthaisü khupa sülouho nasü süzhou khei Daniel vei zho hinou ve ngaopeie. Süthaisü Daniel nou rakibu Ramai ye paoshowe:

MATHIU 1:20

Haibüa puhnou tsücho-a buyu hinou mekou hi nou Mapao vei rakivamai alinou puh hi veloua paoe, “David nahpoutu Josef, Meri ye ne chapfü soure hai ne piso. Daiolouzü puhnou pou pfüyu hai Rako Mashi hinoue.

MATHIU 2:13

Puletao nou talouyu thaisü Mapao vei rakivamai alinou Josef mekouhi veloua puh hi paoe, “Herodnou nah sünaye southeare donou phoulaire. Südonou kaishulouwo ea nah sünaye puh pfüye koa saloua Ejipt hi tutawo ea Enou khaitawo tea paopeimo koutesü sühinou buwo.”

MATHIU 2:19

Herod nou thaiyu thaisü, Ejipt hinou Mapao vei rakivamai alinou Josef mekou hinou vengaopeia paoe,

MATHIU 2:22

Ana Josef nou Herod nah Arkelia nou puh puo süh Judea hi veo soua bue touyu ko chouloua, sühi tavekhai pire. Alia puhye mekou hinou ve doupu peiyu vanou puh hai Galilee teidei hi tare

MATHIU 27:19

Süpeinou, puhnou chikubuh hinou bubuki, puh chapfünou puh hi chi seive-a paoe. “Mah hayu mai süna pei hi halia souso, daiolouzü zhou kheikou me hinou E puh vanou veashore.”

LUK NOU RÜYU KO AVEIBVÜ 2:26

Alia puhsü Mapao vei Razhepuye ngaomo koutesü thai khailaimoe touyu sü Rako Mashinou puh hi pongao peire.

SEI-ATAMAI VAHTAO 10:22

Puletao nou chila peie, “Eletaoye reihmai kaihpei chawo Kornelia nou seive-e. Puh hai Jihudimai hrülainou tsükhouyu acheche ea Ramaiye piyu mai lie. Puhye panou nevei chipao sü keiloure donou neye puh kihi kuvere donou sheeyu rakivamai alinou puh hi paopeie.”

SEI-ATAMAI VAHTAO 4:19

Ana Pitar ea Johan nou puletao hi chila peie, “Ramai chi züyu jünou neletao chi züyu nanou Ramai nghojünou züho zümosa neletao lah chikukhaio;

SEI-ATAMAI VAHTAO 5:29

Ana Pitar ea kukhe sei-atamai taonou chila peie, “Ehwo mai chi züre jünou Ramai chinou zü vuzü bailai.

1 KORINTHMAI 3:19

Daiolouzü deiphao hainavei tsüdokaiwo louzü Ramai nghojünou voyuna baie. Daiolouzü haibüa rüthoure, “Ramai nou tsüvei maiye puletao vei dokaiyu süna hinou nilouwe,”

EBRIAMAI 11:7

Lü vanou Noha nou ngaomoyu natao vanou Ramai nou tukha peiyu kisü puhnou züloua puh kikhamaitao khailu paloure donou dzüluki ali daoloue. Alia sükuyu vanou puhnou deiphaomaiye sü mah dukhaipeie, alia sübüa lü vanou veyu acheche navei kaa nasü puhnou thaoloue.

EBRIAMAI 8:5

Puletao nou napaomaitao soua vah souyu hai chechenou raki hi buyu süna zhairai ea khu baie; daiolouzü Moses nou sahpao sünasü soushu parebü hinou Ramai nou puh hi haibüa paopeie, “Deichi hinou ne hi ngaopeiyu zhaido süna thaifüa ha teitei souloure donou ne soutousoua zhulo.”