MATHIU 19:4 - SHEEYU BAIBEL (BSI)

⁴ Jisu nou chila peie, “Neletao nou sheeyu larübvü hinou phoumowu süolouzü shurai hinou emaiye soupeiyu Sou-apeio puhnou poutu ea naotuye soupeie.

MATHIU 19:4 Iomraidhean Croise

SHURAI 1:27

Sükua Ramai nou lah puh zhurai hinou maiye soupeie, naotu poutu puhnou soupeie.

SHURAI 2:18

Süthaisü Ramai Mapao nou “Maina hai puh likhu buyu veimore, südonou puhye donou thaobüyu soukha peire mai ali Enou soupeilai” tea paore.

SHURAI 2:23

Süthaisü mai nanou paoe, “Haisü rao-a araoe ae vasou-a ava soue; Puhsü naotumai tea kulai daiolouzü puhsü maina hinou popaloua baie.”

SHURAI 5:2

Puhnou poutu ae naotu tea soupeie, ae puh nou puhaiye sü shiha peie ae puh hai ye soupeiyu phakinou mai tea zhih sapeie.

2 PUOPAOKO 24:3

Jehoiada nou puhye maipfü ahai phoupeie, ae puhai nou nahnaotu poutu maitaoli hai hrüpeie.

MALAKAI 2:15

Alikhei baiyu Ramai nou Etaoye soupei mowu ae ahri rako sü thoupei mowu? Alia puhnou dai jüpawe? Ramai ye süyu tyaonah khemaiye jüpae. Südonou ne eitya tekhaio ae neletao maita linoua nahle buki khapfü hi louche mosou-o.

MATHIU 12:3

Jisu nou puletao hi chila peie, “Neletao nou David ea puhmaitao nou houyuki daisousa touyu ko phoukhai mohiwu?

MATHIU 21:42

Jisu nou puletao hi paoe, “Neletao nou sheeyu larübvütao hinou haibüa paoyu hai phoukhai mohiwu? ‘Ki souyu mainou lulaiyu chuh nasü kukhe veishi jünou matsüyu ki kainghouvei chuhna souloure. Haisü Mapaowo vei bahsha baie; ea haihai Eletao nghojünou khupa shoe.’

MATHIU 21:6

Südonou rozümai sühainou taho Jisu nou puhaihi paopeiyu büa soure.

MATHIU 22:31

Alia thaimainou hrishuyu vanou Ramai nou haibüa paokhai touyu neletao nou phoukhai mohiwu?

MARK 12:10

Sheeyu larübvü buh haina hai neletao nou phoukhai mohiwu: ‘Ki souyu mainou lulaiyu chuh nasü veishi jünou matsüyu ki kainghou chuh daloure.

MARK 12:26

Alia thaimai hrishuyu vanou neletao Moses vei Larübvü hinou ngheimei taoyu ko hakia phoukhai mohiwu? Sühinou haibüa rüthou khaitoue süolouzü Ramai nou Moses hi paoe, ‘E hai Abraham, Isak, alia Jakob Ramaie.’

MARK 2:25

Jisu nou chila peie, “David ea puhye koa laimai taonou moshilaiyu ea houyu phaki puhnou daisoue touyu vanou neletao phoukhai mohiwu?

LUK NOU RÜYU KO AVEIBVÜ 10:26

Jisu nou puh hi chila peie, “Razhai hi dai rüthou khaitoue? Nenou kabüa sütaosü phouwe?”

LUK NOU RÜYU KO AVEIBVÜ 6:3

Jisu nou puletao hi chila peie, “Neletao nou David nou puh ea puhvei maitao nou houyu phaki dai sousa touyu kosü phoumowu?