MATHIU 19:21 - SHEEYU BAIBEL (BSI)

²¹ Jisu nou puh hi paoe, “Nenou liche nülouzü, tawo, alia nevei buyu veishi zholaiwu-a pousha nasü toure haimai hi peio, alia rakihi nevei kini buloulai; süthaisü taveloua Athai fülo.”

MATHIU 19:21 Iomraidhean Croise

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

SHURAI 6:9

Haina hai Noha vei ko-e. Puh hai nahpoutu asü bue, Shem, Ham ae Jepheth. Puhsü chaa hayu ae cheche shoa hrüyu mai alie ae puh hai Ramai ye koa hrüe.

JOB VEI LARÜBVÜ 1:1

Job tea kuyu mai ali Uz tea kuyu nuh hinou bue, puhsü Ramai ye lütou tea rah thoyu mai alie. Puh sü veishoyu mai alie, hashi touyu ali-a soumore donou soutaosou-a hrüa buyu mai alie.

LOUTAO 37:37

Mai aveih maiye zhusheelo, acheche maiye zhutou toulo; kaona-a nou hrüyu mai hai tyaosholea veie,

MATHIU 16:24

Süthaisü Jisu nou puh rozümaitaohi paoe, “Maitalinou Athai fünü louzü, puhye panou lahye laiwuwo ea puh kros sü pfüloua Athai fülo.

MATHIU 19:20

Nahlemai pounanou puh hi chila peie, “Chikha haitao teitei Enou züloure; chu E dai chemoyu bue?”

MATHIU 19:22

Nahlepouna nou haisü chouloukhaie, puh sü leveasholoua tare; daiolouzü puh hai hani shoe.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 4:19

Jisu nou puhaihi paoe, “Athai fülo, alia Enou nehaiye mai phoumai panou soulai.”

MATHIU 5:48

Südonou rakibu neletao Puonou licheyu büa, neletao-a liche vuzülai!

MATHIU 8:22

Ana Jisu nou puh hi paoe, “Athai fülo, alia thaimaitaoye panou lah puletao vei thaimaiye vuwo.”

MATHIU 9:9

Jisu nou buh süsü thaowu-a takouyu phahinou kikha khayu Mathiuye puhvei vahki hinou chobua buyu sü ngaoloure. Puhnou puh hi paoe, “Athai fülo.” Alia Mathiu nou shuloua puhthai fütare.

MARK 10:21

Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

MARK 2:14

Alia puhnou ta-a buyu hinou, puhnou Alphia nahpoutu Levi kikha khawoye kikha vahbuh ki hinou buyu sü ngaoloua puh hi paoe, “Athai fülo.” Alia puhnou shuloua puhthai fütare.

MARK 8:34

Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

LUK NOU RÜYU KO AVEIBVÜ 12:33

Neletao vei kini taosü zholoua toure hamai taohi peikhaio; ratalai moyu shavüsü neletao lah neletaoye donou pokhailo, alia neletao vei kinisü rakihi podzükhailo, sühisü sütaosü hatakhai laimoe, daiolouzü sühisü vaomaia sütao ngheikihi velouhoe, alia rükhaonoua sütaoye souha louhoe.

LUK NOU RÜYU KO AVEIBVÜ 14:33

Südonou, haibüa neletao hrohinou maita linou puhvei buyu teiteisü thaokhaiwu molouzü puhsü Arozümai soulou hoe.

LUK NOU RÜYU KO AVEIBVÜ 16:9

“Alia südonou Enou neletao hi paoe, deiphao vei kini vanou neletao lah neletao vei samai phoulo, sübüa sünasü cheyu kisü puletao nou neletaoye teisa halouho kihi save loulai.

LUK NOU RÜYU KO AVEIBVÜ 18:22

Alia Jisu nou süsü choulouyu kisü puh hi paoe, “Chukoute nehi chemoyu hali bue. Nevei buyu teitei zholaiwu-a pousha nasü toure hamai hi zhihpeio, alia raki hinou nevei kini bulai; süthaisü taveloua Athai fülo.”

LUK NOU RÜYU KO AVEIBVÜ 5:27

Süthaisü Jisu sü vakouhi tare, alia kikha khayu vahki hinou chobua buyu Levi tea kuyu kikha khamai sünaye ngaoloua puh hi paoe, “Athai fülo.”

LUK NOU RÜYU KO AVEIBVÜ 6:40

Rozümai alinou puhvei dou-apeio jünou dumoe, ana rozümai hrülainou puhnou doure doucheyu thainou puhvei dou-apeio bübailai.

LUK NOU RÜYU KO AVEIBVÜ 9:23

Alia puhnou puletao hrülaihi paoe, “Maita linou Athai fünü louzü, puh lahnou puhye motulo, alia teisanou puhvei kros pfüloua Athai fülo.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

SEI-ATAMAI VAHTAO 2:45

Alia puletao nou puletao vei ki-lu, ki-na buyu teitei sü zhowu-a sütao veishi sü mai hrülai hi lah lahnou moshi laiyu thaifüa zhihpeire.

EBRIAMAI 10:34

Neletao nou hukhahi bumaitao veahoyu sü koa zha ngaozho peie, alia neletao vei kina teitei saolouyu kisü, neletao vei hakayu hisü sasa-a shamea peie, daiolouzü chu koutea neletao vei veikou shoyu ea teisa vei souloure kinisü bue touyu sü neletao nou süwe.