MATHIU 19:16 - SHEEYU BAIBEL (BSI)

¹⁶ Alia zhukhaio, mailinou Jisu hi taveloua puh hinou noue, “Dou-apeio, teisa ahri ngaoloure donou Enou dai avei vah souvu zülai?”

MATHIU 19:16 Iomraidhean Croise

DANIEL 12:2

Alia thaitayu mai hrülai hai süzhou teithe hrishu khaitoulai, maitaoli hai teisa nou sava-a hrüre buh hisü vetalai alia kamai-a teisa haongu pfüa veahoyu buh hisü hotalai.

MATHIU 19:15

Alia puhnou puh bahnou puletao peiva deipeie ea süthaisü puh sü tare.

MATHIU 19:26

Ana Jisu nou puletao hi zhuteiloua paoe, “Maiye donou haisü soulouhoe, ana Ramaiye donou louzü ha teitei hai soulou süe.”

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 12:25

Lah puh hrümaiye leshi baiyu mai sünou sünasü habailai, alia deiphao haina hinou lah puh hrümaiye ngaorayu mai sünou sünahai teisa hrire donou pokhai loulai.

JOHAN 3:15

süolouzü puhye loucheyu mai talinou halou hoyu ahri ngaoloulai.”

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

SEI-ATAMAI VAHTAO 16:30

alia puhnou puhaiye vakouhi sapaloua noue, “Dou-apeio hai, Enou khailu loure donou dai souvuzülai?”

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

ROMMAI 5:21

Südonou athaina vanou mahnou tukha sahrüyu büa achechena vanou Ramai zhuvea nou tukha sahrüa Eletao Mapao Jisu Khrista vanou Eletaoye teisa ahri hi süthai thoupeie.

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

1 TIMOTHI 6:12

Lüvei reih nasü soutaosoua zülo; alia teisa ahri nasü lah neye donou kolo; daiolouzü nenou zhopaohmai taoli nghojünou nevei lü nasü dua paopayuki Ramai nou neye kulouyu sü hrü haina hisüe.

1 TIMOTHI 6:19

Haibüa puletao nou lah puletaoye donou avei kifü kini nasü thaikhai donou podzükhai loulai. Alia süthaisü puletao nou ahri süolouzü ahri cheche nasü ngaoloulai.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

TITA 3:7

sübüa puh zhuvea vanou Eletaoye hai Ramaiye koa souzü peiwu-a Eletao nou rei-a buyu teisa ahri vei kaalo nasü panou thaoloulai.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

JUD VEI SEIKO 1:21

alia neletao nou neletaoye teisa ahrihi pove peire Eletao Mapao Jisu Khrista vei zhuvea zhia buyu hinou, neletao lah Ramai leshi hinou bulo.