MATHIU 18:28 - SHEEYU BAIBEL (BSI)

²⁸ “Ana kilai sünanou tapa louyu kisü puhvei pao denarü kaihli pfüyu puhsa kilaimai aliye vedao loure; alia puhnou puhye niloua ea rao hinou leiloua paoe, ‘Nenou Apao pfüyu nasü khapeikhaio!’

MATHIU 18:28 Iomraidhean Croise

NEHEMIAH 10:31

Vakou mainou Etao hi Soteithe zhou moa sheeyu teithe tarali hinou thoudzü moa na taralia pove zho peiyuma Etao nou hülai moe.

NEHEMIAH 5:7

Enou vah souta laire tea lela loure, ae Enou peikho maitao ae aduso maitaoye kaomore tea puletao hi haibüa paoe, “Neletao hai lah neletao vei thaihou jürai maitaoye souvea peiwe.” Enou maisouye sü kabülai tea kuve jüloure,

TSÜCHITAO 28:3

Khouko buyu mai linou touhamai liye souveayu haiwo teikhai teirü ashi nou routhou hüraiyu büa baie.

ISAIAH 58:3

Maikhe mainou nou-e, “Mapao nou ngaomoyu thaio Etao daisounou lüh-a veachi paolai? Mapao nou süpei moyu thaisü Etao daisounou khüa tainoutou soua bulai?” Mapao nou puletao hi paoe, “Zhukhaio, neletao nou lüh-a buyu teithe hi koute-a neletao hai lah kabüa sava laisa tea phoua baiwe, ae lelou hoyu maiye sü pira-a souvea peia baiwe.

EZEKIEL 45:9

Ramai Mapao nou paoe, “Israel maiye khasa-a hrüyu maitaore, neletao hai mahmo soupou lere! Neletao vei zhaipou ashi ae maiye souchoroyu sü bailo. Acheche ae kaozü vah nasü soulo. Avei maitaoye puletao vei teidei hinou hutapu khaiso. Haisü Ramai Mapao Enou ne hisü paoe.

MATHIU 18:27

Sühinou kilai sünavei paopuwo nou puhye zhuvea sholoua puh paosü khaipeire ea puhye phapeire.

MATHIU 18:29

Südonou puhsa kilai sünanou deiphi kaokouloua puh hinou khoe, ‘Eye donou shamea peilaio, alia Enou nevei khapeilai!’

MATHIU 20:2

Puhnou vahsouyu maitaoye nai zhohai denarü alili peilai tea paochewu-a puletaoye panou vah soure donou puh vei darkha kipei hi seitare.

MARK 14:5

Daiolouzü haihai husha kaihsü muh jü koua zholou süe, alia pousha nasü toure hamai hi peilou veie!” Alia puletao nou puhye sü raochichi peire.

MARK 6:37

Ana puhnou puletao hi chila pei, “Neletao nou puletao hi ha touloure tali peio.” Alia puletao nou puh hi paoe, “Nenou Ehye panou taloua husha kaih ahai muh raokhao hrüloua puletaoye panou touyu züpawu?”

LUK NOU RÜYU KO AVEIBVÜ 10:35

Alia thainaisho kisü puhnou denarü ahai popaloua süsü shechaoki khoyu nahi peiwu-a paoe, ‘Puhye soutaosoua kitou peikhaio; alia nenou koua thou-sha soudowuyu taosü Enou khaiveyu kinou neye khapeilai!’”

LUK NOU RÜYU KO AVEIBVÜ 7:41

“Vuhli sha poupeimai alivei paopfümai ahai bue; mailinou denarü kaihngou, alia kukhe nanou denarü raingou pfüe.

JOHAN 6:7

Philip nou puh hi chila peie, “Denarü kaih ahai nou raokhao hrüloua sütaonou puletao ali liye dao daotu peiyu koutea chelou hoe.”

PAODAKHAIYU CHIKHA 15:2

Süsü haizhai büa soulo: Sana pouhpao souyu puhnou puh khamai Israel mai hi poupeikhai touyu paoh hai khaipeilai. Puh khamai Israel mai moa thaihou-jürai mai hinou paoh khapeiyu darka laimoe, daisounou touyuo paoh hapeiyu Mapao vei teile hai shapao pare.