MATHIU 18:19 - SHEEYU BAIBEL (BSI)

¹⁹ “Enou neletao hi paopuwe; deiphao nou neletao hrohinou mai ahai nou hatali donou le alisoua khozho louzü, sünasü neletaoye donou rakibu Apuonou soupeilai.

MATHIU 18:19 Iomraidhean Croise

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MATHIU 5:24

nevei sapeina nasü sheelayu buh nghojühi thaowuwo ea thala-a tave ne thaihou jüraiye raia chaveilou khaio, alia süshonou khaive Ramai hi nevei sapeina nasü posheela khaio.

MATHIU 7:7

“Khokhaio, alia süsü neletao hi peilai, phoukhaio, alia neletao nou ngaoloulai; houkhaio, alia süsü neletao hi houthou peilai.

MARK 11:24

Qo haina vanou Enou neletao hi paowe: Neletao nou veachi pao-a hatali kholouzü, süsü neletao nou ngaoloure tea louchelo, alia neletao nou khoyu talisü neletao hi peilai.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 16:23

“Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

SEI-ATAMAI VAHTAO 1:14

Mai haitao nou naotumaitao, Jisu pfü Meri ea Jisu thaihoumai taoye koa vedzüloua tsüle ali soua tobai soumoa veachi pao-a bue.

SEI-ATAMAI VAHTAO 12:5

Südonou Pitar ye sü hukha hi khaire, ana puhye donou lüloumai menou lenoushoa Ramai hinou veachi pao-a bue.

SEI-ATAMAI VAHTAO 16:10

Paul nou zho süna ngaolouyu thaibü hisü, Eletao sü thala-a Makedonia hi tare donou souda loure, daiolouzü sühi buyu maikhe maitao hisü ko avei paodou peire donou Ramai nou Eletaoye kuwe touyu sü Ehnou süloure.

SEI-ATAMAI VAHTAO 6:4

Ana Eletaowo louzü veachi paoyu hi ea chipao sünavei ku-vah hinou tobai soumoa lenoulai.”

PHILIPPIMAI 1:19

daiolouzü neletao vei veachipao ea Jisu Khrista vei Rako vanou soukha veyu vanou Ehai mado souloulai touyu sü Enou süwe.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.