MATHIU 18:15 - SHEEYU BAIBEL (BSI)

¹⁵ “Ne thaihou jürainou nehi mahwu louzü, puh hi taho puh mah nasü paongaokhaio. Ana süsü lah nehai kole hinou khei-a soulouo. Puhnou nehi keipei louzü nenou ne thaihou jüraiye ngaopulou khaire.

MATHIU 18:15 Iomraidhean Croise

LOUTAO 141:5

Mai aveih maiye panou Eye zhuveayu hinou tudee-a züpeiyu sü soupeio, ana mai ashi mainou Eye tsükhou peiyu nasü enou jüpa moe, daiolouzü Enou teisa puletao vei vah ashi souyu khesü aetou moa veachi paoe.

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

LEVIMAI LARÜBVÜ 19:17

“Neletao hai maitarali hia lekhevai nou vamoyu sü soulai moe, ana neletao nou puh hisü taho kaozü hinou phakulo, sübüa souloumo louzü puhvei mah nasü neletao nou pfüa bailai.

MATHIU 18:14

Sübütoua taikayu haitao hrohinou ali hayuhai rakibu neletao Puo vei leli moe.

MATHIU 18:21

Süthaisü Pitar nou Jisu hi veloua puh hinou noue, “Mapao, Athaihou jürainou Apei hi mah soukhaikhai louzü, lüh kizhou Enou puhye khaipeilai? Lüh anaiwu?”

MATHIU 18:35

Alia Jisu nou akhai soua paoe, “Südonou neletao nou neletao thaihou jüraiye neletao vei lekhe hinou khaipei molouzü rakibu Apuonou-a neletao hrülaiye sübüa soulai.”

ROMMAI 12:21

Ashi naye panou neletaoye koloso; ana avei nanou ashi naye kolo.

1 KORINTHMAI 8:12

Sübüa neletao thaihou jüraimai pei hi mah soupeiyu ea lelou hoyu puletao vei lekhetsü zhupeiyu süsü neletao nou Khrista pei hi mah soukhaiwe.

2 KORINTHMAI 7:12

Südonou Enou seiko sünasü neletao hi rükhaia, süsü soumahyu puh donou rümoe, moa soumah peiyu donou veahoyu puhye donou rümoe, ana neletao nou Ehye donou lenouyu nasü Ramai nghojünou neletao hi pongao peire donou rüe.

GALATIAMAI 6:1

Athaihou jürai khemai, maitaliye mah soua buyu hinou niloure toulouzü, rako hinou tsüa buyu neletao nou puhye sü kaona-a souzü peikhaio. Ana lah neletao zhutoulo, molouzü neletaoye-a thaolou veie.

KOLOSSEMAI 3:13

Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai.

1 THESSALONIMAI 4:6

Südonou maitalinoua lah puhvei thaihou jüraihi süna vanou soula-pfüla-a soumahwu laimoe, süsü Ehnou raia nelehi paongaowe ea chihshoa neleye tukha-a paowe süolouzü sübüa souyumai hrülai pei hisü Mapao nou khüh phoulai.

2 THESSALONIMAI 3:15

Sütoukhaia puhye sü ngaobamai alibüa popeiwuso, ana thaihou jüraimai alibüa puhye sü tukha züpeio.

TITA 3:10

Souphe-soukhoyu puhye sü lüh ahai koute tukha peiwuwo, alia süthaisü puhye koa hatalia soupu khaiso.

1 PITAR 3:1

Sübütoua chapfü maitao neletao-a neletao chaamai khehi hrülo, sübüa puletao hronou maitalinou Ramai chipaosü louche molouzü, neletao vei zhaihrü nou puletaoye panou louche loure koloulai. Neletaoye donou chilia paoyu matsü hae,