MATHIU 18:14 - SHEEYU BAIBEL (BSI)

¹⁴ Sübütoua taikayu haitao hrohinou ali hayuhai rakibu neletao Puo vei leli moe.

MATHIU 18:14 Iomraidhean Croise

ISAIAH 40:11

Puhnou puhvei maitaoye sü zhaotu khoyu mainou zhaotuye kiko peiyu büa kiko peilai, ae zhaotu sü puh bah nou pove jüpeilai, alia zhaotu ke khesü zhutou poa sa-a tapeilai.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 18:13

Alia puhnou sünaye ngaolouyu kisü, chekhaoa Enou neletao hi paoe, puhnou hamoyu raikükü sütao jünou alina vanou lesa kousho hie.

MATHIU 18:15

“Ne thaihou jürainou nehi mahwu louzü, puh hi taho puh mah nasü paongaokhaio. Ana süsü lah nehai kole hinou khei-a soulouo. Puhnou nehi keipei louzü nenou ne thaihou jüraiye ngaopulou khaire.

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 6:32

Daiolouzü Tahrüh kukhemai taonou sübüyu natao teitei hai phouwe. Rakibu neletao Puonou na sütao veishi hai neletaoye donou kowe touyu sü süwe.

MATHIU 6:9

Südonou haibüa veachi paolo: ‘Rakibu Eh Puo: Ne zhih soushee peio;

LUK NOU RÜYU KO AVEIBVÜ 12:32

“Piwuso, zhaokho atainare, daiolouzü neletao hi Vedei süna peiresü neletao Puovei züpayu nasüe.

JOHAN 17:12

Enou puletaoye koa bubu kisü, nenou Ahi peikhai touyu nezhih süna khouko vanou Enou puletaoye khotou peire; sheeyu larübvü hinou paoyu nasü vetere donou ha-kare nahpoutu likhei baideinou puletao kukhe louzü mailia hamoe daiolouzü Enou puletaoye khotou peire.

JOHAN 21:15

Puletao nou toulou cheyu thaisü Jisu nou Simon Pitar hi noue, “Johan nahpoutu Simon, haitao jünou nenou Eye leshi kouhimoe?” Puhnou chila peie, “Ovai Mapao, Enou neye leshie touyu sü nenou süwe.” Jisu nou puh hi paoe, “Azhaotaoye vaipei khaio.”

2 TIMOTHI 2:10

Südonou Ramai nou dolouyu maikhe maitao donou süolouzü puletao-a Jisu Khrista hinou veyu teisa khouko-ava poveyu khailu louyu nasü ngaoloure donou Enou ha teitei hinou shameawe.

EBRIAMAI 12:13

alia phi shoyu nasü shiputa moa veiloure donou ludu züvei hinou talo.

2 PITAR 3:9

Kamainou shosho soubaie tea chokhai-a, Mapaowo louzü puhnou apaopei khaitouyu soupeire hisü shosho soumoe. Süjüwo, puhnou neletaoye koa shamea peiwe, daiolouzü puhnou maitaliye hai panou souhawuyu sü züpa moe, ana maikhemai hrülaiye panou puletao mah hinou le dalouyu sü züpawe.