MATHIU 17:5 - SHEEYU BAIBEL (BSI)

⁵ Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 17:5 Iomraidhean Croise

JOB VEI LARÜBVÜ 38:1

Süthaisü Ramai nou teikhai teirü hrohinou Job ye chila peie.

LOUTAO 81:7

Neletao nou veaho-a buyu phaki, neletao nou Eye ku-e, ae Enou neletaoye sü khailupa peie. Enou teikhai teirü ashi hinou tutsüa buyu buh hinou neletao vei akho nasü chila peie. Enou dzüla payu Meribah hinou neletaoye kabü laisa tea zhai zhu-e.

TAPALOUYU 19:19

Shabe khosü kulailai kulailai pakhaie, Moses nou paoe, ae Ramai nou puhye teisüyu kho hinou chila peie.

ISAIAH 42:1

Mapao nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

ISAIAH 42:21

Mapao hai maiye khaipei nüshoyu Ramaie-e, südonou puhnou puhvei chikhatao, ae dou-apei khesü puhvei maitaoye panou tsükhouyu nasü jüpawe.

MATHIU 12:18

“Zhukhaio, Enou dolouyu Akilainaye sü, Arakonou sasho-a buyu Aleshina. Enou Arakohai puh pei hi seive thoupeilai, alia puhnou Avei Chikuyu sü Tahrüh khemai hi paongao peilai.

MATHIU 17:6

Rozümaitao nou pai nasü chouloukhaie ngaopi sholoua deiphinou kou khü-a duloure.

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

MARK 1:11

Alia rakinou pai alinou haibüa shakoue, “Nehai Enou leshi shoyu Anah Poutue. Enou nehi sü rukhare.”

MARK 9:7

Süthaisü teihao alinou puletaoye kou züloure, alia teihao hinou pailinou haibüa paoe, “Haihai Enou leshishoyu lah Anah Poutue; puhnou paoyu keilo!”

LUK NOU RÜYU KO AVEIBVÜ 3:22

alia Rako Mashisü pfüzhonou khao büa kou puh pei hi taoloure. Alia raki hinou pai alisü haibüa shakoue, “Ne sü Enou leshi shoyu Anah Poutue. Enou nehisü rukha shore.”

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:35

Puonou Nahpoutuye leshie, alia puh bah hi ha teitei thaothoukhai peire.

JOHAN 5:37

Alia Eye seive peiyu Apuonou puhlah Avanou zhopaoh soue. Puh paisü neletao nou choukhai mohie, puh zhusü neletao nou ngaokhai mohie;

SEI-ATAMAI VAHTAO 1:9

Alia puhnou sükua paocheyu thaisü, puletao nou zhua buyu hinou puhye sü teihi poku pare, alia teihao nou kou puhyesü puletao nghojünou züloua satare.

SEI-ATAMAI VAHTAO 7:37

‘Ramai nou nele thaihou jürai maitao hrohinou neleye donou E kuyu rachi paolamai ali seive peilai’ tea Israelmai taohi paoyu mainasü Moses süe.

EPHESAMAI 1:6

Ramai puhnou puhvei leshi Nahpoutu vanou Eletao hi sa-a peikhai touyu puhvei khupa zhuvea donou Eletao nou puhye paosho laikhe!

PAODAKHAIYU CHIKHA 18:15

Neletaoye donou Ramai Mapao nou E bübüyu rachi paolai mai ali neletao thaihou jürai maitao hrohinou seive peilai. Neletao puh chi sü zülo.’

PAODAKHAIYU CHIKHA 18:19

Rachipaola mai nou azhih hinou paoyu chipao hai maitali nou zümore toulouzü, Enou puhye sü zhulai.

PAODAKHAIYU CHIKHA 5:22

“Chikha haitao hai Mapao nou neletao mai hrülaiye donou meihro hinou, teihao ae zhitei-a buyu deichi vanou paopa peie, hakukhe hali-a paopu moe. Puhnou sütaosü chuhkhao ahai va rüthouloua ahi peie.

KOLOSSEMAI 1:13

Puhnou Eletaoye teizhivei khouko hinou khaipa peiwure ea Eletaoye podave puhvei leshiyu Nahpoutu vedei hi khaipeire,

EBRIAMAI 5:9

Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.

PONGAOPEIYU 14:14

Süthaisü Enou zhue, alia zhukhaio, sühisü teihao kaali bue, alia süva hisü sana vepeirü ali rüpfüyu ea puh bah hi haishoyu kairao ali poa buyu, Mainah Poutu büyu alinou chobua bue.