MATHIU 17:3 - SHEEYU BAIBEL (BSI)

³ Alia zhukhaio, sühisü Elijah hai Moses kouloua Jisu ye sa-a chiphayu sü rozümai asütaonou ngaoe.

MATHIU 17:3 Iomraidhean Croise

1 VEMAITO 17:1

Gilead teidei hinou Tishbi puona Elijah nou Veo Ahab hi paoe, “Enou kuvah soua buyu Israel maivei Ramai Mapao vei zhih hinou ne hi paowe, süolouzü po ahai asü koute hai Enou paopeimo koute teirülai moe moa jidzü koutea koulai moe.”

MALAKAI 4:5

Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

MATHIU 17:2

Alia Jisu hai puletao nghojü nou zhu datare, alia puh zhuhai teinghi büa valoure ea puhvei sahnühai kaathou peivava loure.

MATHIU 17:4

Südonou Pitar nou Jisu hi paoe, “Mapao, Eletao nou buh haihi buyu hai daizhozhou veisa! Nenou züpae toulouzü, Enou hai hinou repao asü, neye donou ali, Moses donou ali ea Elijah donou ali soupeilai.”

MARK 9:4

Alia sühisü Elijah hai Moses nou kouloua Jisu ye sa-a chi phayu sü rozümai asü taonou ngaoe.

LUK NOU RÜYU KO AVEIBVÜ 1:17

Alia puokhemaitao lesü nahmaitao hi ea paoyu zübayu maitaoye cheche maitao vei ratsü nahi panou khaive loure Mapaoye donou souda louyu maitaoye tuda loure donou puhnou Elijah vei rako ea khouko hinou Mapaowo nghojü hinou raia talai.”

LUK NOU RÜYU KO AVEIBVÜ 16:16

“Razhai ea rachi paolamaitao sü Johan teile koute bue; süshonou Ramai Vedei vei avei kosü paodoue, alia maikhemai hrülainou khaotsü tsüpoa sühisü taloue.

LUK NOU RÜYU KO AVEIBVÜ 24:27

Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.

LUK NOU RÜYU KO AVEIBVÜ 24:44

Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”

LUK NOU RÜYU KO AVEIBVÜ 9:33

Alia mai sühainou Jisu hinou tarata-a buyu pha hinou Pitar nou puh hi paoe, “Dou-apeio, Eletao nou haihi buyuhai daizhozhou veisa; Eletaoye panou repao asü, neye donou ali, Moses donou ali ea Elijah donou ali soukhaio.” (Puhnou paoyu sü daiye paosa touyu hai puhnou sümoe.)

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

PAODAKHAIYU CHIKHA 18:18

Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.

PAODAKHAIYU CHIKHA 34:10

Israel mai hrohi Moses büa rachipaola apeimai ali-a pamo hie; Mapao nou puhye sü zhu haohao nou vedao-a chakupeie.