MATHIU 17:17 - SHEEYU BAIBEL (BSI)

¹⁷ Jisu nou chila peie, “Oh lü hayu ea mah souyu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!”

MATHIU 17:17 Iomraidhean Croise

LOUTAO 95:10

Po raidai hai Enou puletao vei khaphao nasü ngaoshi shore. Enou paoe, ‘Puletao hai daizhou koute chilee more sarou! Puletao nou avei chikha khesü zübare.’

TAPALOUYU 10:3

Südonou Moses ae Aaron nou veo Pharaoh hi tave paoe, “Hebrew maivei Ramai Mapao nou haibüa paoe, ‘Ne teile kashoa akhe louba-a nou bulai hige? Avei maitaoye panou taho Eye tho tawo.

TAPALOUYU 16:28

Süthaisü Mapao nou Moses hi paoe, “Teile kasho koute nevei maitao nou avei kharochi züba-a bulaige?

TSÜCHITAO 1:22

“Oh voyu maitaore! Neletao daisounou chaomeh souzhouzhou-a bulaige? Teile kashoa neletao nou tsüveiye sü konüa bulai? Alia hrüpeyu taonou tsüdoye ngaora-a bulaige?

TSÜCHITAO 6:9

Oh shakawo, teile kaso ne züphao hinou dazüa bulaige? Ne zhi-a buyu sü teile kapha hinou kaishu laige?

ISAIAH 19:14

Mapao nou puletao tsüle hisü chohayu peiwure, südonou puletao sü kaomoyu hinou paopeiwua Ejipt maiye sü panou zhaoh sozhiyu mai hinou rüpakhai touyu hinou pyaloua duyu büa puletao nou souyu vah veishi hisünou shita-a bure.

JEREMIAH 4:14

Oh Jerusalem, nevei tsüle hinou hashi khesü dzükhü laiwu-o, süku louzü ne khailu louyu ngaoloulai. Teile kasho koute ne sü mah vei tsücho-a bulaige?

MAIPEI PHOUYU 14:11

Mapao nou Moses hi paoe, “Mai haitao nou teile kasho Eye khaitya bukou laige? Enou khupayu vah haso alao soungao peiyuma mai haitao nou teile kasho Eye louche moa bukou laige?

MAIPEI PHOUYU 14:27

“Mai shiyu haitao nou teile kasho-a apei hi rao-a bukou laige? Puletao nou nolealeayu hai E kei thoulou hore!

MATHIU 13:58

Alia puletao nou louche moyu vanou puhnou sühisü khupa vah alaosou soukhai more.

MATHIU 16:8

Puletao nou pha-a buyu sü Jisu nou süloua puletao hi paoe, “Oh lü taishoyu maitaore, daidonou lah neletao hrohinou raokhao li-a hayu vanou kuwe?

MATHIU 17:16

Enou puhye ne rozümai taohi pove-e, ana puletao nou puhye souvei peilou hore.”

MATHIU 17:18

Alia Jisu nou rashinaye züpeie, alia rashinasü puh hinou tapare, alia süphabü hinou puh hai veiloure.

MATHIU 6:30

Ana rekouhi poudai zhou likhei hriloua doso meifühi pothou deiyu sünaye Ramai nou süzhou veia natupei louzü, puhnou süjünou veikoushoa neletaoye na tupei laimowu? Oh lü taishoyu maitaore!

MATHIU 8:26

Jisu nou puletao hi chila peie, “Neletao daidonou piwe? Lü taishoyu maitaore!” Süthaisü puhnou shuloua teikhaitaoye ea zaiye soloure donou kharochi peie, alia sühisü kaonaphi loure.

MARK 16:14

Akhai khailai hinou Jisu nou puh rozümai kialitaonou toua buyu hinou tave ngaopeie. Alia puletao nou louche bayu ea le khouleyu vanou puhnou puletaoye züpeie, daiolouzü puh hrishu louyu ngao-a bumaitaoye puletao nou louche peimoe.

MARK 9:19

Jisu nou puletao hi paoe, “O lühayu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!”

LUK NOU RÜYU KO AVEIBVÜ 24:25

Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao!

LUK NOU RÜYU KO AVEIBVÜ 9:41

Jisu nou chila peie, “Oh lü hayu ea mah souyu maikha, teilepha kasho doua Enou neletaoye koa ea shamea zhoa bulai?” Süthaisü puhnou mai sünahi paoe, “Ne nahpoutuye haihi sakoukhaio.”

JOHAN 20:27

Süthaisü puhnou Thomas hi paoe, “Ne bahtousü haihi thaithouwo, ea Abah sü zhukhaio; alia nebah topaloua Anahi thaithoukhaio, lü ha-a buwuso, anou louchelo.”

SEI-ATAMAI VAHTAO 13:18

Alia po raidai pha puhnou puletaoye koa rekounou shamea-a salaipeie.

SEI-ATAMAI VAHTAO 2:40

Alia puhnou kukhe chi taoli pao-a zhopaoh soue ea puletaoye süpeiyu noupu paoe, “Neletao lahnou ashi maikha haina hinou khailu palouwo!”

2 KORINTHMAI 11:1

Enou voyumaili büa chi paokhaia, neletao nou Eye koa shamea peishulai tea Enou rei-a bue. Leshinou Eye koa shamea peikhaio!

PAODAKHAIYU CHIKHA 32:5

Ana neletao hai chilee moyu tyahrü ali soutare, Puhvei maitao tea polou shire, neletao hai mahmo souyu ae louchelou shiyu tyahrü ali soutare.