Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.
Alia Jisu nou Oliv deichi hi pa bulouyu kisü rozümai taonou kheia puh hi taveloua paoe, “Haitaohai duki palai, alia ne velaiyu shee ea akhai vei shee dainoulai? Eletao hi paopeio.”
Jisu nou puh hi chila peie, “Nenou sünasü paopare. Ana Enou neletao hrülaihi paowe, chu thainou Mai Nahpoutu nou Khoukhoulai Ramai bah zhoulo hinou bua raki teihao pei vanou taveyu neletao nou ngaolai!”
Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”
Alia puhnou puletao hi thaomoa paoe, “Chechenou Enou neletao hi paowe, Ramai Vedei hai khouko nou pu veyu ngaomo koute thailai moyu mai kamai buh haihinou la-a bue.”
Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe.