MATHIU 16:27 - SHEEYU BAIBEL (BSI)

²⁷ Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:27 Iomraidhean Croise

JOB VEI LARÜBVÜ 34:11

Mainou soupfüyu thaifüa Ramai nou buu peiwe, ae maikhe mainou soupfüyu thaifüa soupeiwe.

LOUTAO 62:12

ae tobai soumoa zhuvea leshi peiyu nasü puh baie. Oh Mapaowo, maikhe mainou soupfüyu vah thaifüa nenou puletaoye sü buu peio.

TSÜCHITAO 24:12

Nenou haisü nevei vah moe tea pao-a mala-e, ana Ramai nou nevei tsüle sü süwe ae neye chikulai. Puhnou neye süwe ae neye zhua nou bue. Alia puhnou neye nenou soupfü khaitouyu vah thaifüa buu peilai.

KOPAODOUWO 3:17

Enou lah ale khenou paoe, Ramai nou acheche alia ashisü chikulai, daiolouzü puhnou hali hala donou alia vah alili donou paohkhai tiyu teile alili bue.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

JEREMIAH 32:19

Nenou tsüchoda khaitouyu khesü veisho-e ae vah haso dushoyu khesü nenou soupeie; maikhe mainou soupfüyu veishi sü nenou ngaokhai touwe, ae puletao nou soupfüyu thaifüa nenou buu sü peie.

EZEKIEL 18:20

Mah souyu mai nanou thai-a bailai. Puo nou mahmo souyu donou nah nou veahoyu sü ngaolai moe, moa nah nou mah souyu donou puoye panou veahoyu sü daolai moe. Mai aveih maiye sü puhnou vah aveih souyu donou buu peilai ae mai ashi maiye sü puhnou vah ashi souyu thaifüa veahoyu sü peilai.

EZEKIEL 7:27

Veo sü dopfüa bulai, ae veo vei nahmaitao hai areih hata-a bailai, alia maikhe mai hai ngaopi-a nou ngupoa nou bulai. Neletao nou soupfü khaitouyu veishi donou enou neletaoye tudee peilai, ae neletao nou mai hi chilou kupeiyu bütoua Enou neletaoye sü chiku peilai. Hai vanou E hai Mapao-e touyu neletao nou süloulai.”

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

ZEKHARIAH 14:5

Mapao vei deichi ahai soua dakho khaitouyu deikho hinou neletao nou turei paloulai. Judah hi veo Uzziah nou veo soua buki neletao puopao maitao nou nüsüyu phaki, tupa louyu büa panou neletao-a tupa loulai. Süthaisü Mapao, avei Ramai nou rakivamai hrülaiye sü saloua velai.

MATHIU 13:41

Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai,

MATHIU 13:49

Südonou akhai teitheki-a sübülai; rakivamaitao nou tapaloua maishitaoye acheche maitao hinou lupawulai,

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 26:64

Jisu nou puh hi chila peie, “Nenou sünasü paopare. Ana Enou neletao hrülaihi paowe, chu thainou Mai Nahpoutu nou Khoukhoulai Ramai bah zhoulo hinou bua raki teihao pei vanou taveyu neletao nou ngaolai!”

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

MARK 14:62

Jisu nou chila peie, “E-e; alia Mai Nahpoutu nou khoukhoulaiwo vei bah zhoulo vanou bua raki teihaopei vanou taveyu neletao hrülainou ngaolai!”

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

LUK NOU RÜYU KO AVEIBVÜ 21:27

Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai.

LUK NOU RÜYU KO AVEIBVÜ 22:69

Ana chu shonou Mai Nahpoutu sü Ramai khoukovei bah zhoulova hinou butalai.”

LUK NOU RÜYU KO AVEIBVÜ 9:26

Daiolouzü maitamai linou Avanou ea Avei chipaotao vanou ahrao louzü, puhye donou-a Mai Nahpoutu nou puhvei, Puovei ea sheeyu rakivamaitao vei khouko ava hinou veyu kisü ahraolai.

JOHAN 21:22

Jisu nou puh hi chila peie, “E khaivemo koute Enou puhye panou hria bunülouzü, sünanou neye donou dai bue? Athai fülo!”

JOHAN 21:23

Südonou rozümai sünasü thailaimoe touyu ko sünasü thaihou jürai maitao hrohi kubou loure. Ana Jisu nou puh hi puh hai thailai moe tea paoyu moe, ana “E khaivemo koute Enou puhye panou hria bunülouzü, sünanou neye donou dai bue?” tea puhnou paobaie.

SEI-ATAMAI VAHTAO 1:11

alia puhai nou paoe, “He Galilee hi maitaore, neletao daidonou haihinou la-a teihi zhia buwe? Neletao hinou raki hi pokheyu Jisu haina hai, neletao nou puhye raki hi khetayu ngaoyu taibüa, puhsü khaive khailai.”

ROMMAI 14:12

Südonou Eletao hrülainou lah lah vei pa-louchi hai Ramai hi peilai.

ROMMAI 2:6

Daiolouzü Ramai nou mai alili hisü lah paomainou soukhai touyu vah süna thaifüa buu peilai.

1 KORINTHMAI 15:23

Ana mai ali lisü lah shoshonou hrishulai: Khrista nou mai hrülai jünou raikaie; süthaisü puhmaitao soua buyu puletao nou puh veyuki hrishulai.

1 KORINTHMAI 3:13

Alia Khrista vei Teithe sünanou mai ali linou soukhai touyu vah pfüphou vei avei-ashi sü popa ngaopeilai. Daiolouzü Teithe sükisü mai alili vah hai meinou popa ngaopeilai; alia mai ali linou soukhai touyu vahtaosü dai tyasa touyu sü meinou zhai zhulai.

1 KORINTHMAI 8:8

Sütoukhaia, tousonou Eletaoye panou Ramai hi nghipuyu hae; Eletao nou toumo-a shipuyu lia hae, moa Eletao nou tou-a veipuyu lia hae.

2 KORINTHMAI 5:10

Daiolouzü Eletao hrülaisü Khrista vei Chikubuh nghojühi tave lavuzülai. Sübüa mai hrülai nou vei-a, shi-a lah lahnou puhvei pfüphaona hinou bubuki soukhai touyu süna thaifüa ngaozü nasü ve ngaolai.

EPHESAMAI 6:8

Qila-a, mado souyuna-a lah puhnou vahvei souyu süna thaifüa Mapao nou mai hrülaiye buu peilai touyu sü licholo.

KOLOSSEMAI 3:25

Ana kaozümoa souyumai tali hisü puhnou kaozümoa souyu süna thaifüa pao rüpeilai, daiolouzü Ramai nou mai hrülaiye hrüzhai ali hinou chikuwe.

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

1 THESSALONIMAI 4:16

Sükisü Mapao puhsü chikha peiyu pai-rao sünaye koa, alia rakivamai peichana vei pai naye ea Ramai vei bekho sünaye koa raki vanou takoulai. Alia sükisü Khrista hinou thaitayu khemai sütaonou raia hrishulai;

JEMS 5:7

Südonou, thaihou jürai khemai, Mapao vemo koutesü shamealo. Zhukhaio, tatamai alinou dei vei muhteiyu rashithou sü zhia, sünanou teirü araina ea teirü nana ngaomo sasü shamea-a kho-a bue.

1 PITAR 1:17

Mai ali linou souyu thaifüa maikhemai hrülaiye zhai ali hinou chikuyu Ramai hi neletao nou veachi paoyuki puhye sü Puo tea kulouzü, deiphao hi hrübuki neletao hrümaisü puhye khuhao-a hrülo.

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.