MATHIU 16:26 - SHEEYU BAIBEL (BSI)

²⁶ Daiolouzü mailinou deiphao teitei zhiloukhaia puh vei hrirai hai halouzü sünanou puhye donou dai koyu bue? Moa mai alinou puhvei hrirai lealoure donou dai peilai?

MATHIU 16:26 Iomraidhean Croise

JOB VEI LARÜBVÜ 2:4

Saitan nou haibüa chila peie, “Mai ali hai hri-a buloure donou puh vei buyu teitei sü peilou süe.

JOB VEI LARÜBVÜ 27:8

Ramai ye sümoyu maiye donou puletao vei teile che-a Ramai nou polouyu phaki, puletao vei areih sü dai bue?

MATHIU 16:25

Daiolouzü maitalia lah puh hrirai hai khailulou nülouzü, süsü halai, ana maita linou Eye donou puh hrirai hai halouzü süsü ngaoloulai.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 5:29

Südonou ne nghithou zhoulonou neye mah hi süthou peilouzü, süsü reilapawu-a polaiwo! Neye donou pfüphao teiteinou meizaihi polai thouwuyu jüwo pfüphao zhali hayu nou veikou shohie.

LUK NOU RÜYU KO AVEIBVÜ 12:20

Ana Ramai nou puh hi paoe, ‘Avowo! Zhou khei hinou nevei rakosü nehinou potalai; süthaisü nenou nelah neye donou soudakhai touyu teiteisü thaohvei soulai?’”

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.

LUK NOU RÜYU KO AVEIBVÜ 9:25

Daiolouzü mailinou deiphao teitei koloukhaia lah puh ha-kalouzü puhye donou dai zhiyu bue?