MATHIU 16:24 - SHEEYU BAIBEL (BSI)

²⁴ Süthaisü Jisu nou puh rozümaitaohi paoe, “Maitalinou Athai fünü louzü, puhye panou lahye laiwuwo ea puh kros sü pfüloua Athai fülo.

MATHIU 16:24 Iomraidhean Croise

MATHIU 10:38

Alia puhvei kros pfüloua Athai fülou moyu maitalisü Arozümai souzümoe.

MATHIU 27:32

Alia puletao nou tapayu kisü Kurini teidei hinou veyu Simon tea kuyu mai sünaye puletao nou daoloure, alia mai sünaye Jisu vei kros pfükhare donou reihmai taonou kutai loure.

MARK 10:21

Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

MARK 15:21

Alia ludu hinou puletao nou deichi hilonou veiveyu Simon tea kuyu mailiye daoloure. Reihmaitao nou puhye nou Jisu vei kros pfükhapeio tea kutai loure. Simon hai Kurini teidei hi maie ea puh sü Alekjandar ea Rufus puoe.

MARK 8:34

Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

LUK NOU RÜYU KO AVEIBVÜ 14:27

Maita mailia lah puhvei kros pfüloumoa Athai füyu maisü Arozümai soulou hoe.

LUK NOU RÜYU KO AVEIBVÜ 23:26

Alia puletao nou puhye süthaipoa tapayu kisü, nuhfü hilonou taveyu Kurini himai Simonye puletao nou daoloua niloure, alia Jisu thailonou kros nasü panou pfütare donou puh vahi süsü pokhai peire.

JOHAN 19:17

Alia puhnou lah puhvei kros pfüa “Peirao Buh” süolouzü, (Ebriamai lahinou “Golgotha”) tea kuyu buh hi tare.

JOHAN 21:19

(Pitar nou kakuyu athai zhaido hinou Ramaiye soudusho peilaisa touyu süngao peire donou Jisu nou haisü paoe.) Süthaisü Jisu nou puh hi paoe, “Athai fülo!”

JOHAN 21:22

Jisu nou puh hi chila peie, “E khaivemo koute Enou puhye panou hria bunülouzü, sünanou neye donou dai bue? Athai fülo!”

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

KOLOSSEMAI 1:24

Alia neletaoye donou Enou veaho-a buyu hisü chuo Enou lesa loure, daiolouzü Apfüphao hinou veaho peiyu süna vanou Khrista nou puhvei pfüphao, lüloumaime süh soua veaho peiyu hi chelou moyusü panou cheloure donou Enou soukha peiwe.

1 THESSALONIMAI 3:3

süolouzü souveayu haitao vanou neletao maitalia thaikhaitawu laimoe. Daiolouzü sükua souveayu hai Eletaoye donou Ramai nou souda khaiyu alie touyu hai neletao lahnou süwe.

2 TIMOTHI 3:12

Acheche nou Khrista Jisu ye koa rahrümai hinou hrüyu züpayu mai taye sü souvea-souholai;

1 PITAR 2:21

Daiolouzü haina vanou Ramai nou neletaoye kuloure, daiolouzü neletaoye panou puh phihea thaoloure Khrista nou neletaoye donou veaho peiwu-a neletao hi puhzhai douloure do nasü thaodai peiwure.