MATHIU 16:21 - SHEEYU BAIBEL (BSI)

²¹ Teile sühinou shua Jisu nou du-a puh rozümaitaohi paotare. “E Jerusalem hi tavu zülai ea tsümaitao, napao adumaitao ea razhai dou-apeimaitao bah hinou alaosou vea vuzülai. Eye sü southeawulai, ana teithe asü zhousü Ehai hrishuloulai.”

MATHIU 16:21 Iomraidhean Croise

MATHIU 12:40

Daiolouzü Jonah nou khah aduna pou levai hinou hea asü ea khei asü buyubüa Mai Nahpoutu-a deikhe hinou hea asü ea khei asü bulai.

MATHIU 16:22

Pitar nou puhye sakupaloua ea puhye züa paoe, “Mapao, Ranou balai! Haihai nehi hakia palaimoe.”

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 17:12

Ana Enou neletao hi paoe süolouzü Elijah hai vechere ea maikhe mainou puhye shilou more, ana puletao nou sounü taosü puh hi soupeire. Süzhaibüa Mai Nahpoutua puletao bah hinou vealai.”

MATHIU 17:9

Alia puletao nou deichi phihi takouyu kisü, Jisu nou puletao hi kharochi pei-a paoe, “Neletao nou ngaolouyu zho haina hai, Mai Nahpoutu nou athai hinou hrishu loumo koute sü maita lihi-a paongao khaiso.”

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 26:2

“Teithe ahai thaisü Tachonüh hai velaire touyu sü neletao nou süe, alia Mai Nahpoutuye kros vanou veatheare donou thoupeiwulai.”

MATHIU 26:47

Puhnou sübüa chi paobebu kinou, kiahai hrohinou ali soua buyu Judas hai tavere, alia napao adu maitao ea tsümaitao hinou seiveyu khoche ea süda poyu maikhemai alaosou puhye koa laiwe.

MATHIU 27:12

Ana napao adumai taonou ea tsümai taonou puh hi mah dukhaiyu kisü puh nou chila lia peimoe.

MATHIU 27:63

alia haibüa paoe, “Dou-apeio, amadamai honanou puhnou hribuki, ‘Teithe asü thaisü E hridashu khailai,’ tea paoyuhai Eh nou tsü-a buhie.

MATHIU 28:6

Puhwo haihi hare, daiolouzü puhnou paopeiyu büa puh hai hrishure. Haihi takou khaio, puhye pokhaiyu buh nasü zhukhaio.

MARK 8:31

Süthaisü Jisu nou puh rozümai taoye doupei tare: “Mai Nahpoutu hai alaosou vea vuzülai ea tsümaitao, napao adumaitao, alia razhai dou-apeimaitao nou puhye sü motoulai. Puhye sü southeawulai, ana teithe asü thaisü puh hai hrishulai.”

MARK 9:12

Jisu nou puletao hi chila peie, “Elijah hai chechenou ha teitei souda loure donou raia vewure. Sütoukhaia daidonou sheeyu larübvü hinou Mai Nahpoutu hai alaosou vea vuzülai ea puhye sü motouwulai tea paowe?

LUK NOU RÜYU KO AVEIBVÜ 17:25

Ana raia puhsü alaosou veasho vuzülai ea maikha hainanou motoulai.

LUK NOU RÜYU KO AVEIBVÜ 24:46

alia puhnou puletao hi paoe, “Khrista hai vea vuzülai ea teithe asü kisü athai hinou hrishulai,

LUK NOU RÜYU KO AVEIBVÜ 9:31

Puhainou khouko ava hinou taveloua Jisu ye koa puhnou Jerusalem hinou tave thailoua Ramai vei li-choyu sü souvete laiyu vanou chipha-a bue.