MATHIU 16:16 - SHEEYU BAIBEL (BSI)

¹⁶ Simon Pitar nou chila peie, “Newo hriyu Ramai Nahpoutu Khristae.”

MATHIU 16:16 Iomraidhean Croise

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

LOUTAO 42:2

Hrüyu Ramai, Enou neye sü reisho-a nou kho-a bue; Enou duki taho nevei nghoujü hinou neye tholou laige?

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

MATHIU 14:33

Alia sakhaohi buyu puletao nou puhye kou khurüloua paoe, “Chechenou newo Ramai Nahpoutue!”

MATHIU 16:15

Puhnou puletao hi noue, “Ana neletaowo Eye nou thaoh-e toue?”

MATHIU 26:63

Ana Jisu nou hachi lia paokhai moe. Alia napao peicha nanou puh hi paoe, “Hriyu Ramai zhih hinou Enou neye kharochi peia paowe, nehai Ramai Nahpoutu Khristae toulouzü Eletao hi paokhaio.”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 4:3

Süthaisü Rashi nanou puh hi veloua paoe, “Ne hai Ramai Nahpoutue toulouzü, chuh haitao hisü raokhao dalouwo tea kharochi peikhaio.”

MARK 14:61

Ana Jisu nou ngasou buloua chila lia peimoe. Süthaia Napao Peichana nou puh hi noupue, “Ne hai Rako Avei Ramai Nahpoutu Khristawu?”

LUK NOU RÜYU KO AVEIBVÜ 2:11

daiolouzü zhou teithehi David vei nuhdu hinou neletaoye donou Khailu-apeio ye sü naloure, puhsü Khrista, Mapaowo süe!

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 11:27

Puhnou Jisu hi chila peie, “Ovai, Mapao; nehai deiphao hi vere Ramai Nahpoutu Khrista nasüe touyu hai Enou louche-e.”

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

SEI-ATAMAI VAHTAO 14:15

“Maikhe maitaore, neletao daidonou haikuyu vah hai souwe? Eh-a nele büyu maibaie, alia neleye panou hakoyu haitao teitei hinou tareiloua raki, deiphao, zaidu ea sütaohi buyu teiteiye soupeiyu hriyu Ramai hi panou veloure ko avei sü Ehnou nelehi povewe.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

SEI-ATAMAI VAHTAO 8:37

Philip nou paoe, “Nenou nele teiteinou louche louzü, nenou dzükhao dalou-a bailai.” Alia puhnou chila peie, “Jisu Khrista hai Ramai Nahpoutue touyu sü Enou louche.”

SEI-ATAMAI VAHTAO 9:20

Alia thala-a puhnou rathobuhtao hinou, “Jisu hai Ramai Nahpoutue,” tea ko paodoue.

ROMMAI 1:4

puh vei sheeyu ramai hrü hilonou zhulai toulouzü; puhye sü athai hinou panou hrishu louyu vanou puh hai Ramai Nahpoutue touyu sü dushoyu khouko noupu pongao peire.

2 KORINTHMAI 1:19

Daiolouzü Sailas, Timothi ea Enou neletao hrohinou paodouyu Ramainah Poutu Jisu Khrista hai “Ae” alia “Moe” touyuna moe, ana kuvou-a puhwo Ramai vei “Ae” touyu nasüe;

2 KORINTHMAI 3:3

haisü sheetoue süolouzü Khrista lahnou seiko hainasü rüloua panou Ehyenou seitae. Seiko hainasü larüdzünou moa hriyu Ramai Rakonou koa rükhaitoue, alia chuhkhaotao vahi moa emai lethou vahi rükhaitoue.

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

PAODAKHAIYU CHIKHA 5:26

Deiphao mai aliro mei hinou hria buyu Ramai nou raopayu pai chouloua Etao büa hrilouyu buhage?

1 THESSALONIMAI 1:9

Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

1 TIMOTHI 3:15

hakinou Enou thala-a vekhaimore toulouzü seiko hainanou kakuyu zhainou Eletao lahnou Ramai vei kikha hi süolouzü acheche vei kika ea kifü soua buyu hriyu Ramai vei lüloumaimehi tazüe touyu sü nehi paosü peilai.

1 TIMOTHI 4:10

Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

EBRIAMAI 10:31

Hriyu Ramai bah hi kaolouyu hai ngaopi pilai nasüe!

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.

EBRIAMAI 3:12

Südonou thaihou jürai khemai, leikeilo, molouzü neletao hrohinou maitalinou ashi ea louche moyu le nasü pfüloua neletaoye hriyu Ramai hinou sataloua panou kaoduta bailai.

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.

1 JOHAN 4:15

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:5

Deiphaoye thaohnou kolousüe? Jisu hai Ramai Nahpoutue tea loucheyu mai süna likheinou kolousüe.

PONGAOPEIYU 7:2

Süthaisü kukhe rakivamai alinou hriyu Ramai vei paoshee nasü poa teinghi palovanou takheyu sü Enou ngaoe. Puhnou pai kushoa deiphao ea zaiye soushi loure donou Ramai nou khouko peikhai touyu rakivamaitao adaihi paoe,