MATHIU 15:9 - SHEEYU BAIBEL (BSI)

⁹ Hakonou puletao nou Eye thowe, daiolouzü puletao nou deiphao emai zhainou Azhai soua doupeiwe!’ ”

MATHIU 15:9 Iomraidhean Croise

LOUTAO 39:6

khungu ali büa hata-a baie. Puhnou soupfükhai touyu veishi sü hamako baie; puhnou kini pojü khaitue, ana thaonou poloulai touyu sü puhnou sümoe.

LOUTAO 73:13

Enou ale shisha-a teanou buyu ae mahmo ali-a soulai moe tea buyu hai hamako baiyu phare.

TAPALOUYU 20:7

“Neletao Ramai Mapao zhih sü kaomoyu hinou poa vah soulai moe, mai taralia Azhih sa-a kaomoyu vah souyu mai hisü Enou tudee peilai.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

LEVIMAI LARÜBVÜ 26:16

Enou neletaoye sü tudeelai. Enou neletao hisü ngaopi shoyu veahoyu khesü seive peilai, neletaoye soukanghi peiyu ae rachi-a southou nghithou chayu ae neletao vei hrüh hai soukhai laiwulai. Neletao nou taimou daothouyuma süsü hamako hinou panou thou-a bailai, daiolouzü neletaoye ngaobayu maitaoye panou süsü touloua bailai.

LEVIMAI LARÜBVÜ 26:20

Neletao nou veasho-a nou vah souyu telai veishi sü panou hamako bailai, daiolouzü neletao vei teidei sü thoudzü lia papeilai moe, ae rashibe khesü rashithou shipeilai moe.

MALAKAI 3:14

Neletao nou paoe, “Ramai vei kuvah souyuo hakobaie. Etao nou Puh chi züyu moa Khoukhoulai Mapao nghoujünou Etao dopfüa laiyu mai ali kua tayu hai daie zhiyu bue?

MATHIU 15:10

Süthaisü Jisu nou maisouye puh hi kuveloua puletao hi paoe, “Keilo ea sülo!

MARK 7:7

Puletao nou Eye hakonou thowe, daiolouzü puletao nou emai zhainou razhai soua doupeie!’

1 KORINTHMAI 15:2

Enou neletao hi paodouyu chipao sünasü Ko Avei sünasüe. Neletao nou Ko Avei haina hai potouloua bulouzü, sünanou neletaoye khailu peire— molouzü neletao sü raohanou louchebaire.

PAODAKHAIYU CHIKHA 12:32

“Enou neletao hi kharochi peiyu veishi zü-a soukhai toulo; sühi thou-a thoupuso alia pha-a phaso.

1 TIMOTHI 1:4

Chi saovayu likhei povepei baiyu madayu daomaikotao ea pai-paomai zhih alaosou rüthoupoa laiyu sütaosü thaowure donou puletao hi paopeikhaio; sütaonou lü vanou likhei sülou baiyu Ramai vei aroh naye sü kuvah soumoe.

TITA 1:14

alia Jihudimai daomaikotao ea emai vei chikhataosü panou popukhaiso daiolouzü sütaosü acheche naye pobayu maitao hinou vebaie.

EBRIAMAI 13:9

Neletaoye tya kukuyu ea dosüku zhai hinou doupeiyu sütaoye panou süthaipoa tawuso, daiolouzü touso vei naanou reiyu nanou moa nou Ramai vei zhuvea nanou lekhe soukhou peiyu hai veishoe; naanou sütao reiyu maitaoye sütaonou soukha peimoe.

JEMS 2:20

Avowo! Vah loumoyu lü nasü hakobaie touyu sü nehi pongao peiyu nenou züpawu?

PONGAOPEIYU 22:18

Larübvü haina vei rachi paopakhai touyu chipaotao choua buyu maikhemai hrülaihi Johan Enou tukha-a paowe: maitalinou hatali chi sütaohi thoupure toulouzü, Ramai nou puh hisü larübvü haina hinou paokhai touyu veahoyu taosü thoupu peilai.

1 SAMUEL 25:21

David nou haibüa tsücho-a ta-e, “Enou mai haina vei na khesü daisou nou vupei khaisarou? Puhvei navei khesü panou ali-a hamoe, Enou puh hi haveih soupeiyu muh hai puhnou Eye haibüa paoh kha peiyu phare.