MATHIU 15:31 - SHEEYU BAIBEL (BSI)

³¹ Südonou la hamainou la phalouyu, shovai mainou veilouyu, phi chamainou talouyu, alia nghicha mainou ngaolouyu sütaohai maikhemai nou ngaolouyu kisü khupa loure; alia puletao nou Israelmai vei Ramaiye paoshore.

MATHIU 15:31 Iomraidhean Croise

SHURAI 32:28

Mai sünanou paoe, “Ne zhih Jakob tea kupu khailai more. Nenou Ramai-a ae mai-a povare alia nenou koloure. Südonou ne zhih sü chu thainou ‘Israel’ tea kulai.”

SHURAI 33:20

Puhnou buh sühinou sheelabuh ali soupaloue, ae sünasü El-Elohe Israel (Israel maivei Ramai) tea kuloue.

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

LOUTAO 50:23

Kalo paoyu hai Eye tsükhou-a posheela peiyu nasüe, ae achi züyu mai hrülaiye sü Enou khailupa peivu zülai.”

TAPALOUYU 24:10

alia puletao nou Israel maivei Ramai ye ngaoe. Puh phi khe hai Saphir chuh nou soukhai touyu ludu, teidaiyu raibütoue.

MATHIU 15:30

Mai alaonou puh hi tave-e ea puletao nou phi chamai, shovaimai, nghichamai, la hamai ea kukhe sounoumai taoliye Jisu phihi save khaipeire, alia puhnou puletaoye souvei peire.

MATHIU 18:8

“Nebah nou moa ne phinou neye soumah peilouzü, süsü daodewu-a polaiwo; neye donou bah ahai moa phi ahai bua akhaihayu meihi polai thouwuyu jünou, bah polo moa phi polo tou-a ahri buh hi louyu nanou veikou hie.

MATHIU 21:14

Nghichamai ea shovai maitao nou puh hi taveloua rathoki hinou puhnou puletaoye souvei peie.

MATHIU 8:10

Jisu nou haihai chouloukhaie khupare ea puhthaifüa laimaitaohi paoe, “Enou chechenou neletao hi paowe, Israel nahmaitao hrohinou haibüa lüyu mailia ngaokhai mohie.

MATHIU 9:32

Mai sühainou taloubükhaie, zhukhaio, mai kamainou rashinou louyu vanou la ha-a buyu mai aliye Jisu hi save.

MATHIU 9:33

Ana rashinaye sü hutalou bükhaie, mai sünasü chi paopa loure, alia maikhemai hrülainou khupaloua paoe, “Ehnou hatakia Israelmai hrohinou haibüyu hai ngaokhai mohie!”

MATHIU 9:8

Maisounou süsü ngaoloukhaie khupaloure ea emai hi sübüyu khouko peiyu vanou Ramaiye paosho loure.

MARK 2:12

Maikhe mainou zhua buyu hinou mai sünanou lashu puh züh sü poloua puletao nghojünou thalasou tare. Puletao hrülaisü khupasho loure ea Ramaiye sholoua paoe, “Ehnou haibüyu hai hakia ngaokhai mohie!”

MARK 7:37

Alia puletao nou paosha louhosou khupaloua paoe, “Puhnou ha teiteisü souveisho peiwure; puhnou nou pemai kouteye panou chouloure ea la hamaiye panou chi paoloure!”

MARK 9:43

Südonou nebah nou neye mah hi süthou peilouzü, süsü daodewuwo!” Neye donou bah ahai bua teisanou ngheikhailai moyu meizai hi louyu jüwo, bah polova toua ahri buh hi louyuna nou veikouhie.

LUK NOU RÜYU KO AVEIBVÜ 14:13

Ana nenou tovai aduli peiyu kisü, toure hamai, sho-vaimai, phi chamai ea nghi chamai taoye kukhaio;

LUK NOU RÜYU KO AVEIBVÜ 14:21

“Südonou kilai sünanou dakhaive puhvei paopuhi chi sütaosü paongao peire. Sühinou paopu sünanou rarouloua puh kilaihi paoe, ‘Ne thala-a nuhduhi duvatao ea kijüdu taohi taholoua toure hamaitao, shovai maitao, nghicha maitao ea phi chamaitaoye savekhaio.’

LUK NOU RÜYU KO AVEIBVÜ 18:43

Alia sübü hinou puh nghithou sü ngaoloure ea Ramaiye shopoa Jisu thai füloure; alia maikhemai hrülainou süsü ngaoloua Ramaiye sholoure.

LUK NOU RÜYU KO AVEIBVÜ 7:16

Alia puletao hrülaisü piyu nou phouloure ea Ramaiye shoyu noupu haibüa paoe, “Eletao hrohi dushoyu rachi paolamai ali veloure!” alia “Ramai nou puhvei maitaoye khaipeire donou tave zhupeire!”

JOHAN 9:24

Südonou puletao nou nghicha-a nakouyu mai sünaye kuda khailoua puh hi paoe, “Ramaiye likhei shokhaio; mai hainasü mahmaibai touyu Ehnou süe.”