MATHIU 15:14 - SHEEYU BAIBEL (BSI)

¹⁴ Puletaoye donou doso! Puletao hai nghichamai vei nghichayu süthai-apei maitaoe; alia nghichamai alinou nghichamai aliye süthai louzü, ahaikheinou raobvühi dulou bailai.”

MATHIU 15:14 Iomraidhean Croise

ISAIAH 31:3

Ejipt mai hai Ramai moe, puletao-a mai baie; ae puletao vei rhei hai-a vasou pfüa baie, rako moe. Mapao vei bah thaipayu phaki, khouko buyu tyahrü nasü kaodu talai, ae puletao nou soukha peia buyu maitao-a kaoduta-a bailai puhai mai ahai kheinou souha bailai.

ISAIAH 42:19

Avei kilai maina moa nou thaonou nghichayu bue? Enou seitayu kopaomai moa nou thaonou noubei peyu bue?

ISAIAH 56:10

Puhnou paoe, “Süthai-apei mai hrülai hai nghithou chakhai toure, puletao hai halia sümore; dao moyu sei ali büre, puletao sü zhi-a memu-a bubaire, ae zü-zhiyu sü puletao nou jüpa-e.

ISAIAH 9:16

Daiolouzü mai khemaiye süthai-apei maitao nou süthai mah peiwure alia maikhe maiye soubürarou laiwure.

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

JEREMIAH 6:15

Puletao nou ngaorayu vah souyu phaki hraoho haomosa? Moe, puletao sü hraokhai toumoe; puletao nou hrao-a pah holou moe. Südonou puletao hai mai kukhe nou kaodu tayu büa kaodu talai. Enou puletaoye tudeeyu phaki, puletao vei akhai soulai. Haisü Mapao Enou paowe.”

JEREMIAH 8:12

Avei maitaore, neletao nou vah ashi souyu sü maijü hraomovu? Moe, neletao hai haokhai timore, neletao hai haongu-a pfülou sümore. Südonou Enou neletaoye tudeeyu phaki, neletao hai kaotayu mai büa kaodu talai, ae neletao vei teile akhai soulai. Haisü Mapao Enou paoe.”

HOSEA 4:17

Israel mai-o bashara ye thotare, puletaoye sü panou lah dosoua tatheo.

MALAKAI 2:8

Ana ne hai sünavei acheche ludu hinou tarei tare; nenou doupeiyu hinou maitaoli phi süloure; Levi maivei Vo nasü nenou souzhaiwure, teanou Hrülaipei Mapao nou paoe.

LUK NOU RÜYU KO AVEIBVÜ 6:39

Süthaisü Jisu nou puletao hi nada ali paopu peie: “Nghichamai alinou nghichamai aliye süthai talou süwu? Sübüa soulouzü puhai maihainou raobvühi duloulai mowu?

JOHAN 9:39

Jisu nou paoe, “Ngaomoyu maitaoye panou ngaoloure donou, alia ngao-a buyu maitaoye panou nghicha tare donou, Enou deiphao hi chikure donou ve.”

1 TIMOTHI 6:5

alia tsü cholou sümoyu ea acheche naye thaowuyu maikhemai taoye koa tobai soumoa chi veiva-a laiyu sükhe maitao pove peiwe. Sübüyu maitao nou rahrüzhai hai kini buloure ludu ali baie tea chowe.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

2 PITAR 2:17

Mai haitao hai thekeikeiyu dzühoung kue ea teikhai teirünou hüpfüa laiyu teihao kue; puletaoye donou thouthoulai teizhi buh süsü Ramai nou souda khaire.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.