MATHIU 14:9 - SHEEYU BAIBEL (BSI)

⁹ Veosü levea loure, ana puhnou puh shemaitao hrülai nghojünou chi lüpeiyu vanou, loumaina paivei züpa nasü peire donou puhnou kharochi peire.

MATHIU 14:9 Iomraidhean Croise

KOPAODOUWO 5:2

Ne mü pousouo, alia Ramai hi theasho-a nou chaachou souso, daiolouzü Ramai hai raki hinou bue alia ne sü deiphao hi bua baie; südonou nevei chipao hai panou chi-a baio.

MATHIU 14:1

Teile süpha kisü Galilee hi Veo Herod nou Jisu zhih hai chouloure.

MATHIU 14:10

Südonou puhnou maiye hukhahi seiho panou Johan peisü dewure.

MATHIU 14:5

Herod nou puhye southealou nüwe, ana puh nou Jihudimaiye piwe daiolouzü puletao nou Johanye nou rachi paolamai alie tea paoe.

MATHIU 14:8

Puh pfüvei rozüa puhnou puh hi paoe, “Chu buh haihinou Johan Baptist pei hai khaoh alihi thouloua Eye peio!”

MARK 6:14

Chuo chi haitao teitei sü Herod veo nou chouloure, daiolouzü Jisu zhih hai buh likihi kubou loure. Mai kamainou haibüa paoe, “Johan Baptist hai hridashu loure! Süvanou puh hi haibüyu khupa vah souyu khouko hai bue.”

MARK 6:20

Herod nou Johan ye piwe daiolouzü puhnou Johan hai maiveimai ea sheeyu maie touyu süe, alia südonou puhnou Johanye sü veitoua khaikhaitoue. Puh hai Johan chipao keiyusa puh le deichoyuma puhnou puh chihai sashoanou keibaie.

MARK 6:26

Haihai chouloukhaie veo sü le veasholoure, ana puhnou puh hi motoulou hore, daiolouzü puhnou puh shemaitao hrülai nghojünou chouwure.

LUK NOU RÜYU KO AVEIBVÜ 13:32

Alia Jisu nou puletao hi chila peie, “Taho lakhao sünahi paongaokhaio, ‘Zhukhaio, Enou zhoua, doso-a rashitaoye hulai pawe ea sounou souvei peiwe, alia teithe asü kisü Enou Avah sü souchewulai!’

CHIKUAPEI MAITAO 11:39

Khouh ahai cheyu thaisü, honapai nou puo hisü dakhai vere. Ae puo nou chaachou soukhai touyu thaifüa soure. Honapai hai loumainah ali soua shanghi soulou moa thaire. Haihai Israel maivei zhai soua

CHIKUAPEI MAITAO 21:1

Israel maisou nou Mizpah hinou ve Mapao nghoujü nou haibüa chaachou souwure, “Etao mai tarali noua Benjamin maiye Etao nah naotumai panou nalai moe.”

1 SAMUEL 14:24

Süzhou teithe hai Israel mai hai lelou hore, daiolouzü Saul nou chaachou souloua haibüa kharochi peiwure: “Zhou teithe Eye ngaobayu maitao hi khüngu phoulou mokoute touso taralia tousoyu mai sü chaa panou ngaotheo.” Südonou süzhou teithe hai mailia halia toumore.

1 SAMUEL 14:28

Ana mai ali nou haibüa paoe, “Etao mai hrülai hai veashore ae houzüre, ana ne puo nou Etao hi khoushoa haibüa kharochi peiwure, ‘Zhou teithe ha touyu mai sü chaa ngaolai.’”

1 SAMUEL 25:22

Zhou khei tei thepa loumo jünou puhvei mai hrülaiye southakhai loumoyu thaio Ramai panou Eye southa theo.”

1 SAMUEL 28:10

Süthaisü Saul nou Mapao zhih kuloua haibüa chaachou souloua paoe, “Hriyu Mapao zhih hinou neye panou veahoyu sü daokhai toulai moe.”