MATHIU 13:44 - SHEEYU BAIBEL (BSI)

⁴⁴ “Raki Vedeihai douhinou kukhai touyu kiniye kheihaoe ea süsü mai alinou ngaoloua popaowure; süthaisü puhnou le sasholoua taho puhvei buyu veishi sü zhowu-a dakhaive dou sünasü hrüloue.

MATHIU 13:44 Iomraidhean Croise

JOB VEI LARÜBVÜ 28:13

Tsüdo hai deiphao mai hinou ngaolou hoe, maili koute-a tsüdo vei muh hai cheche-a sümoe.

TSÜCHITAO 16:16

Ratsü ngaolouyu nanou sana ngaolouyu najünou veipu hie, shahu ngaolai jüwo tsüsü nanou dolo.

TSÜCHITAO 17:16

Tsüsüyu lia ha-a bulukhu daidonou vomai li bah hisü tsüvei hrüloure vei muh bukhai laige?

TSÜCHITAO 18:1

Maiye koa hrüzholou sümoyu mai lisü lah puh jüpa likhei phouta-a baiwe; mai hrülai nou kaore tea buyuma puletao hai aetou moe.

TSÜCHITAO 23:23

Acheche nasü hülo, ae sünasü zolaiso; tsüvei, paodou-apei, alia tsüsü taosü hülouo.

ISAIAH 55:1

Mapao nou paoe, “Tavelo, rei-a laiyu maitao, dzü hi tavelo! Pousha ha-a buyu maitao, tave touso sü hüloua tou khaio! Tave zhaoh ae chonaodzü kelo, pousha polai moe, ae muhma-a polai moe!

MATHIU 13:24

Jisu nou kukhe nadali hinou puletao hi paoe: “Raki Vedei hai puh douhi thoutai avei vuthouyu mai sünaye pao nadalou veie.

MATHIU 13:46

alia puhnou muhtei shoyu sana ali ngaolouyu kisü, taho puhvei buyu teitei zholoua sana sünasü hrüloue.

MATHIU 13:47

“Süthaia, Raki Vedei hai zaihi laithouyu ea khah tyatyali sülouyu khahbe aliye kheihaoe.

MATHIU 19:21

Jisu nou puh hi paoe, “Nenou liche nülouzü, tawo, alia nevei buyu veishi zholaiwu-a pousha nasü toure haimai hi peio, alia rakihi nevei kini buloulai; süthaisü taveloua Athai fülo.”

MATHIU 19:27

Süthaisü Pitar nou paoe, “Zhukhaio, Ehnou ha teitei thaowu-a nethai füloure. Süthaisü Ehnou dai ngaolai?”

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 6:21

Daiolouzü nevei kini buyu hisü ne le-a teisanou bubailai.

LUK NOU RÜYU KO AVEIBVÜ 14:33

Südonou, haibüa neletao hrohinou maita linou puhvei buyu teiteisü thaokhaiwu molouzü puhsü Arozümai soulou hoe.

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

ROMMAI 15:4

Daiolouzü sheeyu larübvü nou Eletao hi peikhai touyu shameayu ea le soudu peiyu vanou Eletao nou reitei-a buloure donou daoraikinou rüthoukhai touyu teitei sü Eletaoye doupeire donou rüthoukhai toue.

KOLOSSEMAI 2:3

Puh hai Ramai vei ratsü ea tsüvei pokukhai touyu kinou teitei houpa peiloure khareih nasüe.

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

EBRIAMAI 10:34

Neletao nou hukhahi bumaitao veahoyu sü koa zha ngaozho peie, alia neletao vei kina teitei saolouyu kisü, neletao vei hakayu hisü sasa-a shamea peie, daiolouzü chu koutea neletao vei veikou shoyu ea teisa vei souloure kinisü bue touyu sü neletao nou süwe.

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.