MATHIU 13:43 - SHEEYU BAIBEL (BSI)

⁴³ Süthaisü acheche maitaosü puletao Puo Vedei hinou teinghi büa valai. Südonou neletao hai nou bulouzü keiloukhaio!

MATHIU 13:43 Iomraidhean Croise

TAPALOUYU 34:35

Israel mainou Moses pah hai varua buyu ngaokhaie, puhnou puh pah sü pahosah nou hodakhai loua baiwe, alia puhnou Ratho kipao hi veloumo koute hapa-a moe.

DANIEL 12:3

Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

MATHIU 11:15

Südonou keiloure nou pfüyu puhnou keiloukhaio!

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

MATHIU 25:36

Enou baitou buki neletao nou Eye sabanüh peie, Enou soubuki neletao nou Eye ve kipeie, Enou hukhahi bubuki neletao nou Eye ve zhupeie.’

MATHIU 26:29

Enou neletao hi paoe, Apuo Vedei hinou Enou neletaoye koa darkha zhaoh ashu küzho laiyu teithe süna vemo koutesü Enou chuthainou darkha zhaoh haina hai küpukhai khailaimoe.”

MARK 4:23

Keiloure nou pfüa buyu puhnou keilo!”

LUK NOU RÜYU KO AVEIBVÜ 12:32

“Piwuso, zhaokho atainare, daiolouzü neletao hi Vedei süna peiresü neletao Puovei züpayu nasüe.

LUK NOU RÜYU KO AVEIBVÜ 22:29

alia Apuonou Ahi vedei ali peikhai touyu büa,

1 KORINTHMAI 15:58

Südonou leshiyu Athaihou jürai khemai, latoulo ea lükhaiso. Mapaowo donou vah souyu hisü kou-noulo, daiolouzü Mapaowo donou te-a vah souyu hai hakia raohamoe touyu sü neletao nou süwe.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.