MATHIU 13:39 - SHEEYU BAIBEL (BSI)

³⁹ alia khatao vuthou peiyu ngaobamai nasü Rashi nasüe. Cha chiyu sünasü deiphao vei akhai teile sünasüe, alia cha chiyumai taosü rakivamaitaoe.

MATHIU 13:39 Iomraidhean Croise

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

JOEL 3:13

Kai polouo, daiolouzü dourou sü meire. Talou taidei khaio, daiolouzü darkha shithou khesü phoutao-a bure. Zhaochi sü phoutao-a külyare, daiolouzü puletao nou ashi vah souyu sü dushore.”

MATHIU 12:32

Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.

MATHIU 13:22

Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more.

MATHIU 13:25

Ana naili kheisü, mai hrülainou zhitakhaiyu kisü, puh vei ngaobamai sünanou taveloua southou hrohisü kha vuthou peiwu-a tare.

MATHIU 13:28

Puhnou puletao hi chila peie, ‘Haisü ngaobamai kamainou soue!’ Kilaitaonou puh hi paoe, ‘Sükulouzü Eletaoye panou taho khataoye paipayu ne züpawu?’

MATHIU 13:40

Khataoye podzüloua meihi pothou deiwuyu büa akhai teithe kia sübüa palai:

MATHIU 13:49

Südonou akhai teitheki-a sübülai; rakivamaitao nou tapaloua maishitaoye acheche maitao hinou lupawulai,

MATHIU 24:3

Alia Jisu nou Oliv deichi hi pa bulouyu kisü rozümai taonou kheia puh hi taveloua paoe, “Haitaohai duki palai, alia ne velaiyu shee ea akhai vei shee dainoulai? Eletao hi paopeio.”

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

1 KORINTHMAI 10:11

Haitao veishi sü mai kukhetaoye donou nada büa paloure, alia sütaosü Eletaoye tukha peire donou rüthou khaitoue. Daiolouzü Eletao sü akhai velaiyu teile hinou hrüa bue.

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

2 KORINTHMAI 2:17

Eletaowo Ramai chipao souzhoyu kukhemai taoli sütao bümoe; ana Ramai nou Ehye süpeiyu donou puh nghojünou Khrista vei kilaitao büa Ehnou le loushoa chi paowe.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

EBRIAMAI 1:2

ana akhai teithe haitao hisü puhnou Eletao hi puhnah Poutu vanou chi paopeire. Puh vanou Ramai nou teideiphao sü souloue ea puhye süna teitei vei kaalo nasü panou akhaiki thaoloure donou Ramai nou doloure.

EBRIAMAI 9:26

daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.