MATHIU 13:38 - SHEEYU BAIBEL (BSI)

³⁸ dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe;

MATHIU 13:38 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

LOUTAO 22:30

Haithai nou hrüvere bonakha maitao-a puhvei kuvah sü soulai, vere khaphao teitei nou Mapao vei ko sü paolai.

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

HOSEA 2:23

alia Enou puhye A deihie vukhai peilai. Enou raiki zhuvea moyu taoye zhuvea peilai, alia Enou Amaimotao hisü paolai, ‘Neletao hai A maiye,’ alia puletao nou ‘Ne hai Avei Ramai-e,’ tea paolai.”

MATHIU 13:19

Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare.

MATHIU 24:14

Alia Vedei vei ko avei haina hai tahrüh pfüphouhi zhopaoh soure donou deiphao teiteihi paodou talai; alia süthainou akhai nasü velai.

MATHIU 5:37

Ana nenou paoyu taosü laboua ‘Ae’ moa ‘Moe’ tea paobaiwo; süpeinou paopuyu taosü Ashina hinou vebaie.

MATHIU 8:12

Ana Vedei vei nahmaitaoye sü vakou maiteiyu buh hi polaipa thouwulai, sühinou puletao sü kralai ea puletao huh sü vei kükülai.”

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

JOHAN 12:24

Cheche vuzünou Enou neletao hi paowe, southou pfüli hai deiphihi dekou louloua thaimosa süna lah bubaiwe; ana sünasü thaita louzü thou alaosou shilouwe.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

SEI-ATAMAI VAHTAO 13:10

puh hi paoe, “He! do ashi amadanou phoupeia buyu, acheche teiteiye ngaobayu rashivei nahpoutu, newo Mapao vei acheche ludu nasü süthaima süthaimoyu thaolai mowu?

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

ROMMAI 16:26

Sütoukhaia chuo, rachi paolamaitao vei larübvütao vanou achechena süsü dua vakouhi popa ngaopeire; alia mai hrülaiye panou loucheloua züloure donou akhai hayu Ramai vei chikhanou süsü tahrüh hrülai hi paosü peire.

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.