MATHIU 13:21 - SHEEYU BAIBEL (BSI)

²¹ Ana sünanou lekhehi maa chülou moyu vanou phaso bukhai more. Alia chipao süna vanou souvea-souchoyu moa souvea-souhoyu daoyu kisü puletao nou thala-a süsü thaowure.

MATHIU 13:21 Iomraidhean Croise

JOB VEI LARÜBVÜ 19:28

“Etao nou puhye kabüa souvea peilou laige?” Neletao nou Eye hali moa hali vanou tea huwe.

LOUTAO 36:3

Puletao vei chipao laqo hai shiyu ae dayu khaiko baie, tsüdo aveih ae vah aveih souyu nasü puletao nou thaokhaiwure.

TSÜCHITAO 12:12

Mai ashi navei ki hai khousho-a soukhaitoua buyuma shita baiwe, ana acheche maiwo soutaosoua maa tsülou latsü loulai.

TSÜCHITAO 12:3

Shodo ashi souyu mai sü halia soushuloulai moe, ana acheche maivei kamaa sü lükhai tilai moe.

HOSEA 6:4

“Oh Ephraim, neye donou E dai soulai? Oh Judah, neye donou E dai soulai? Nemai vei leshiyu haio teihao büa baie, alia thashoa hatayu shona vei vidzü büa baie.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 11:6

Alia Eye letsü moyu puhsü rakoveie!”

MATHIU 13:20

Chuhraohi dekou louyu thoutaitao nou chipao nasü choulou bükhaie sasa-a polouyu mai sütao kue.

MATHIU 13:57

Alia sübüa puletao nou puhye popei bare. Ana Jisu nou puletao hi paoe, “Rachi paolamai aliye hai lah puh nuh ea puh kikhamai likheihi deinou buh kukhe talihiwo louzü tsükhou moyu hae.”

MATHIU 13:6

Ana teinghinou payu kisü, sütaoye sü teinainou deire; alia sütaosü maa thoua chüloumoyu vanou thala-a thaitare.

MATHIU 24:13

Ana khai koute shamea louyu puhye sü khaipeilai.

MATHIU 26:31

Süthaisü Jisu nou puletao hi paoe, “Neletao hrülai Avanou zhoukhei kaota khailai, daiolouzü haibüa rükhaire, ‘Enou zhao-akhowoye southealai, alia zhaokhohi zhao taosü rata khailai.’

MATHIU 26:33

Pitar nou chila peia puh hi paoe, “Puletao hrülainou ne vanou kaotayuma, Ewo hakia kaotakhai laimoe.”

MARK 4:17

Ana sünanou lekhehi maa chülou moyu vanou phajü bubaire. Südonou chipaona vanou souchoyu moa souveayu vekhaie puletao sü thalasou kaotare.

LUK NOU RÜYU KO AVEIBVÜ 8:13

Alia chuhrao pei hi dekou louyu taonou, chipao süna chouloua sasa-a polouyu maitaoe, ana maa chülou moyu donou phajütou loucheloua athao veyu kisü kaotayu puletaoe.

JOHAN 6:26

Jisu nou puletao hi chila peie, “Cheche vuzünou Enou neletao hi paoe, neletao nou Eye phoutayu hai shee khemaitao ngaolouyu vanou moe, ana neletao nou raokhao pouphou toulouyu vanou baie.

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

GALATIAMAI 6:12

Neletaoye panou hee rode loure donou nutaiyu puletaosü vakou pfüphao hilonou khaophu soua aveikho sounüyu puletaoe. Sütoukhaia, puletao nou süsü Khrista vei kros donou puletaoye mainou souvea more donou likhei soubaie.

GALATIAMAI 6:15

Daiolouzü hee rodeyu moa rode moyu sünanou halia moe, ana tsü chorewo louzü soushu louyu sünasüe.

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

PHILIPPIMAI 1:6

Alia neletao hrohi vah avei soushu peiyu Ramai puhnou süsü Khrista Jisu vei teitheki koute soucheloumo sasü koa soukoute peilai touyu sü Enou sütoupoa bue.

2 TIMOTHI 1:15

Phugelas ea Harmogenes-a koa loua Asia teideihi buyu maikhemai veishi nou Eye thaowu-a tare touyu sü nenou süwe.

2 TIMOTHI 4:10

Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare.

JEMS 3:2

Daiolouzü Eletao hrülai nou phabu sanou soumah baiwe. Ana maitalinou puhnou chi paoyu hi hakia paomah khaimore toulouzü, puhsü lichere ea puhnou puhvei hrümai teitei-a khangilou süre.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.