MATHIU 13:11 - SHEEYU BAIBEL (BSI)

¹¹ Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

MATHIU 13:11 Iomraidhean Croise

LOUTAO 25:14

Mapao hai puhvei chi züa buyu maitao vei samai khamai-e, ae puhnou koa vo soukhai touyu nasü puletao hi süngao peie.

ISAIAH 29:10

Daiolouzü Mapao nou neletaoye panou zhitei tare donou rako sü seive peiwure. Rachipaola apei maitao hai maisou vei nghithou souyu pha-e, ana Ramai nou puletao nghithou sü vaoho loure alia vepare zhingaoyu maitao pei sü hongiwure.

ISAIAH 29:11

Zho hinou ngaoyu teitei sü neletaoye donou sheesaoka khaitouyu larübüa ali büa bailai. Hai nasü neletao nou larü phoulou süyu mai ali hi pove phoungao khaio tea paoyu phaki, puhnou hainasü phoulou shi-e, daiolouzü hainasü sheesaoka khaiwure tea pao-a bulai.

ISAIAH 35:8

Sühisü dushoyu ludu ali talai, alia ludu sünasü “Sheeyu ludu” tea kulai. Mah souyu mai nou ludu süna talai moe, ae voyu mai-a hai hisü mota laimoe.

MATHIU 13:10

Süthaisü rozümaitao nou Jisu hi tave loua puh hinou noue, “Daidonou nenou puletao hi nadanou paowe?”

MATHIU 16:17

Alia Jisu nou puh hi chila peie, “Johan nahpoutu Simon, newo rako veishoe! Daiolouzü haihai ke-zhenou nehi pongao peimoe, ana haisü rakibu Apuonou nehi peibaie.

MATHIU 19:11

Ana Jisu nou puletao hi chila peie, “Doupeiyu haina hai mai hrülainou polou hoe, ana Ramai nou haina peikhai touyu puletao likhei bailai.

MATHIU 20:23

Jisu nou puhaihi paoe, “Chechenou nehainou Apai hinou pokülai, ana Abahkha zhoulo ea nalohi bure süwo louzü Ado moe, buh sütao hai Apuonou souda khaitouyu puletao donou baie.”

MARK 10:40

Ana Abahkha zhoulo ea nalohi bulaiyu maiye doyu züwo Ahi hae. Haisü Ramai puhnou peilai tea soudakhai touyu puletaoye donou bailai.”

MARK 4:11

Alia puhnou puletao hi paoe, “Neletao hiwo louzü Ramai Vedei vei kheitsü nasü peiwure, ana kukhemai hiwo louzü hateitei hai nada hinou paopei baie;

LUK NOU RÜYU KO AVEIBVÜ 8:10

puhnou chila peie, “Neletao hiwo louzü Ramai Vedei vei kheitsü hai süloure donou peire; ana kukhe maitao hiwo louzü, puletao nou ngao-a ngaolou more donou, alia puletao nou kei-a sülou more donou nada hinou peikhaitoue.

JOHAN 6:65

Alia puhnou paoe, “Süvanou Enou neletao hi paopeire süolouzü Puonou puh hi aetoupei molouzü maita linoua Ahi velou hoe.”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

SEI-ATAMAI VAHTAO 16:14

Eletao chi kei-a buyu naotumai aliwo louzü maomüyu sah zhoyu Thuatira nuhdu hi mai Ludia touyu pai süe. Puh hai Ramaiye lenoua thoyu naotumai alie. Paul nou chi paoyu sü panou soutaosoua keiloure donou Mapao nou puh lesü houpeire.

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

1 KORINTHMAI 13:2

Alia Ahi rachi paopayu vei sapeina bukhaia alia kheitsü ea tsü teitei sükhaia, alia Ahi deichitao podalou süyu lü teitei bukhaia, leshi halouzü, Esü halia moe.

1 KORINTHMAI 15:51

Zhukhaio! Enou neletao hi kheitsüli paongaowe. Eletao hrülaisü zhikhai laimoe, ana Eletao hrülaisü

1 KORINTHMAI 2:14

Ana pfüphao zhai thaifüa hrüyu mainou Ramai Rakovei sapeina taosü ngaolouhoe, daiolouzü sütaosü puhye donou avobaie, alia puhnou sütaosü sülouhoe, daiolouzü sütaosü Rako hilovei tsü pfüa sülou bailai.

1 KORINTHMAI 2:7

Enou paodouyu tsü dokai hainawo louzü emai nghojünou kukhai touyu Ramai vei kheitsü baie, ana haina hai deiphao soumo jühinou Ramai nou Eletao vei khouko ava donou doche louyu ratsü nasüe.

1 KORINTHMAI 4:1

Neletao nou Ehye hai Khrista vei kilaimaitao ea Ramai vei kheitsü peipha-apei maitaoe tea popeilai.

1 KORINTHMAI 4:7

Neye thaohnou kukhemai jü dukoua soupeie? Nenou buyu veishi sü Ramai nou peimowu? Sükulouzü veishore, nenou kabüa nehi buyu taosü sapeina moe tea khaophu souloulai?

EPHESAMAI 1:18

Puhnou neletaoye kulouyu hi areih nasü daisa touyu sü neletao nou süloure donou ea puhnou puhvei maitaohi apaopei khaitouyu khupa hataosü daizhozhou paoshalou hoa busa touyu sü süloure donou puhvei ava ngaoloure neletao tsü nasü houpapeio tea Enou khowe,

EPHESAMAI 1:9

Ramai puhnou puhvei ratsü ea lekhe hinou zhingao-a buyu teiteinou koa puhnou soulai tea soudakhai touyu nasü souloure, alia Khrista vanou souche khowulai tea le layu puhvei kheikhei souyu leli nasü Eletao hi pongao peire.

EPHESAMAI 5:32

Haisü dushoyu kheitsü alie, ana Enou Khrista ea lüloumaime vanou paowe.

EPHESAMAI 6:19

Alia Enou khuvei-a chi paoloure ea Ko Aveinavei kheitsü nasü paosü peiloure donou Enou chi paoloure donou souda-a buyu kisü Ramaiye panou Ahi puhvei chipao nasü peiloure donou, Eye donou-a veachi paopeio.

KOLOSSEMAI 2:2

Haisü Enou puletaoye panou khuveisho loure donou ea leshi hinou alinou liye paimu loure donou soue, alia sübüa sücheche-a sülouyu nanou poveyu latou louyu vei kini teiteisü buloulai. Sübüa puletao nou Khrista puh baiyu Ramai vei kheitsü nasü süloulai.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

1 TIMOTHI 3:9

Puletao sü sheeshayu lekhetsü hinou lüvei kheitsü nasü potou louyumai souvu zülai.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

1 JOHAN 2:20

Ana neletaoye sü Mashio nanou theadzü napeire, alia süsü neletao hrülainou süwe.

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.