MATHIU 12:46 - SHEEYU BAIBEL (BSI)

⁴⁶ Jisu nou maikhemai hi chi paobebu kinou, zhukhaio, puhpfü ea puh thaihou maitao nou tave vakounou lalou-a puhye chiphare donou noua bue.

MATHIU 12:46 Iomraidhean Croise

MATHIU 1:18

Jisu Khrista hai haibüa naloure. Puh pfü Meri hai Josef ki towure, ana puhai ve komo jühinou Rako Mashi hilonou puh hai nahtu ali hrülaire touyu sü puhnou süloure.

MATHIU 12:47

Südonou sühi buyu hrohi kamai nou puh hi paoe, “Zhukhaio, nepfü ea ne thaihou maitao nou vakounou la-a neye chiphare donou noua bue.”

MATHIU 13:55

Puh hai süüshasüwona nahpoutu mowu? Puh pfühai Meri mowu, alia puh thaihoumai taosü Jems, Josef, Simon ea Judas mowu?

MATHIU 2:11

Puletao nou ki sünahi tave louloure ea nah sünaye puh pfü Meri nou koa buyu sü puletao nou ngaoloua kikou khoukhü loure ea puhye kou khurü loure. Puletao nou puletao vei kinitao sü hapaloua puh hisü sana, kaivei theadzü ea kaivei pounou posheelae.

MATHIU 2:20

“Kaishulo, nah süna ea puh pfüye saloua Israel teidei hi dakhai vewo, daiolouzü nah sünaye southeare donou phouyu maitao sü thaikhaire.”

MARK 2:21

“Maitalia sah ashu penou poshu sahnü kuhi khopawumoe, daiolouzü khopayu sahpe ashu nanou sahnü kunaye sü daopha laiwu-a lejünou chahdupu bailai.

MARK 6:3

Puh hai Meri Nahpoutu, alia Jems, Josef, Judas ea Simon jürai süüshasüwo mowu? Puh tumaitao-a haihinou hrümowu?” Alia sübüa puletao nou puhye baloure.

LUK NOU RÜYU KO AVEIBVÜ 1:43

Ana daidonou A Mapao pfünou Ahi taveloua Eye süzhozhou khu-leshi peisa?

LUK NOU RÜYU KO AVEIBVÜ 2:33

Alia puh pfüpuosü puh vanou sübüa paoyu donou khupa loure.

LUK NOU RÜYU KO AVEIBVÜ 2:34

Süthaisü Simeon nou puletao hi hapei-a puh pfü Meri hi paoe, “Zhukhaio, nahtou hainasü Israel maitao alao donou kaotare ea maitaoli donou lashu loure, alia maikhe mainou paoshisho peilaiyu shee süna donou dopapei khaitoue,

LUK NOU RÜYU KO AVEIBVÜ 2:48

Puh pfüpuo nou puhye ngaolouyu kisü puhaisü khupa loure; alia puh pfünou puh hi paoe, “Anahna, daidonou nenou Eh hi haibüa souwe? Zhukhaio, nepuo Ahainou neye donou le kishoa phouta-a bue.”

LUK NOU RÜYU KO AVEIBVÜ 2:51

Südonou Jisu nou puhaiye koa takouhloua Nazareth hi khaivere, alia sühinou puhnou puhai chi züa bue. Ana puh pfünou sütao teitei sü puhvei lekhehi pokukhaire.

LUK NOU RÜYU KO AVEIBVÜ 8:10

puhnou chila peie, “Neletao hiwo louzü Ramai Vedei vei kheitsü hai süloure donou peire; ana kukhe maitao hiwo louzü, puletao nou ngao-a ngaolou more donou, alia puletao nou kei-a sülou more donou nada hinou peikhaitoue.

JOHAN 19:25

Ana Jisu kros ngheikinou puhpfü, puhpfü matoupai, Klopas chapfü Meri, alia Magdalini Meri nou la-a bue.

JOHAN 2:1

Süthai teithe asü zhousü Galilee hi buyu Kana nuh hinou sheenghiyu li buloure, alia Jisu pfüa sühi bue;

JOHAN 2:12

Süthaisü puhnou puh pfü, puh thaihou-jürai maitao ea puh rozümaitaoye koa Kapernahum hi takoure ea sühinou puletaosü teithe daotu nai-a bue.

JOHAN 2:5

Puh pfünou kilai maitaohi paoe, “Puhnou neletao hi apao tali soukhaio.”

JOHAN 7:10

Ana puh thaihou jürai maitao nou nühbuh hi tahoyu thaisü, pu-a dumoa khei-a nüh buh hi takhere.

JOHAN 7:3

Südonou puh thaihou jürai maitao nou puh hi paoe, “Ne rozümai taonou nenou soua buyu vah taosü ngaoloure donou buh hainasü thaowu-a Judea hi tawo.

JOHAN 7:5

Daiolouzü puh thaihou jüraimai koutea puhye louche moe.

SEI-ATAMAI VAHTAO 1:14

Mai haitao nou naotumaitao, Jisu pfü Meri ea Jisu thaihoumai taoye koa vedzüloua tsüle ali soua tobai soumoa veachi pao-a bue.

1 KORINTHMAI 9:5

Sei-atamai kukhetao, Mapao vei thaihou jüraimai ea Pitar zhaibüa E-a lü loucheyu chapfü aliye sa-a Aveih duhi tayu zü hawu?

GALATIAMAI 1:19

Ana Mapao vei thaihou Jems likhei baimoa kukhe sei-atamai taliye Enou ngaomoe.