MATHIU 12:41 - SHEEYU BAIBEL (BSI)

⁴¹ Chikuyu Teithe kisü Nineva hi maitao nou maikha hainaye koa hrishuloua neletaoye mah dukhailai, daiolouzü puletao nou Jonah nou ko paodouyu hinou le daloure, alia zhukhaio, Jonah jünou dukouyu hali haihi bue!

MATHIU 12:41 Iomraidhean Croise

ISAIAH 54:17

Ana reih basei tarali noua neletaoye sü soushilou laimoe, ae chikuyu hi mai tara linoua neletaoye paoshia mah dukayu teitei hinou neletao nou veiloua bailai. Enou avei kilai nasü vupeilai ae veilouyu sü puh hi peilai,” tea Mapao nou paoe.

JEREMIAH 3:11

Süthaisü Mapao nou ahi paoe, Israel mainou vah ashi soua puh hinou tarei tayuma, puhnou chilee cheche moyu Judah jünou veipu hie.

JONAH 1:2

“Tashulo alia taho Nineveh nuhdu hisü haibüa paokhaio; puletao nou vah ashi souyu haire Ahi vere teanou.”

JONAH 3:4

Jonah nou nuhdu nahisü tashu tare, puhnou teitheli tayuthai, haibüa paoe, “Teithe raidai thaisü, Ramai nou Nineveh nuh hai souha laire!”

MATHIU 12:39

Ana puhnou puletao hi chila peie, “Ashi ea khakha chaozüyu maikhanou shee phoue; ana Jonah rachi paolawovei sheena deinou sühisü shee kukhe talia peilai moe.

MATHIU 12:42

Chikuyu Teithe kisü Sheba teideihi Veopainou maikha hainaye koa hrishuloua neletaoye mah dukhailai, daiolouzü puhnou Solomon vei ratsü keire donou deiphao akhai hinou tave-e, alia zhukhaio, Solomon jünou dukouyu hali haihi bue!

MATHIU 12:45

Süthaisü puhnou vakouhi taloua puh jünou shikouyu kukhe rashi anaiye save loure, alia puletao nou tave sühinou lou buh souloure. Sübüa mai sünavei hrümai nasü raikina jünou shipusho tare. Südonou ashi maikha haina hi-a sübüa palai.”

MATHIU 12:6

Enou neletao hi paoe süolouzü Rathoki jünou duyu hali haihi bue.

MATHIU 16:4

Ashi ea Ramaiye zhodüyu maikhanou shee phoue; ana Jonah rachi paolawo vei shee likhei baimoa sühisü shee kukhe alia peilaimoe.” Südonou puhnou puletaoye thaowu-a tare.

MATHIU 17:17

Jisu nou chila peie, “Oh lü hayu ea mah souyu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!”

MATHIU 23:36

Chechenou Enou neletao hi paoe: sütaoye southeawuyu vei tudee pfüphou hai maikha haina pei hi velai!

LUK NOU RÜYU KO AVEIBVÜ 11:32

Chikuyu teithe kisü Nineva hi maitao nou maikha hainaye koa hrishuloua puletaoye mah dukhailai; daiolouzü puletao nou Jonah nou ko paodouyu hinou le daloue, alia zhukhaio, Jonah jünou dukouyu ali haihi bue!

JOHAN 3:31

Reikounou kouyu puhnou mai hrülai jünou dukoukhai toue; deiphao nou veyu puhwo deiphao vei baie, alia deiphao vei vanou chi paobaie; Rakinou kouyu puhnou mai hrülai jünou dukhai toue.

JOHAN 4:12

Newo Eh puo-pao Jakob jünou duhiwu? Puhnou Eletao hi dzükhao haina hai peie, alia sühinou puh-a, puh nahmai tao-a alia puhvei kikhaorü tao-a po küloue.”

ROMMAI 2:27

Alia sükuyu donou nele Jihudimaiye tahrüh kukhe mainou mah dukhai peilai daiolouzü neletao vei razhai nasü rüthou khaikhaitoua bua ea hee rodeyu nasü bukhaia, nenou razhai nasü soukhore; ana puletaowo vasou hinou hee rodemokhaia, puletao nou razhai nasü züloure.

EBRIAMAI 11:7

Lü vanou Noha nou ngaomoyu natao vanou Ramai nou tukha peiyu kisü puhnou züloua puh kikhamaitao khailu paloure donou dzüluki ali daoloue. Alia sükuyu vanou puhnou deiphaomaiye sü mah dukhaipeie, alia sübüa lü vanou veyu acheche navei kaa nasü puhnou thaoloue.