MATHIU 12:4 - SHEEYU BAIBEL (BSI)

⁴ Puhnou Ramai kihi talouloua, razhai thaifüa puletaoye donou tounoukhaia, ana napaomaitao likheinou toubailaiyu Ramai hi poshee layu raokhao nasü puh ea puhmaitao nou toue.

MATHIU 12:4 Iomraidhean Croise

TAPALOUYU 25:30

Khaibuh sünasü Vo Sübvü pehao hi khailai, ae sünaphao hisü Eye donou sheeyu raokhao posheela khaitouyu sü bukou telai.

LEVIMAI LARÜBVÜ 8:31

Moses nou Aaron alia puhvei nahpoutu maitao hi paoe, “Mapao nou kharochi peikhai touyu büa sou sü poloua Mapao nou buyu Sahpao vei bomü hinou kholo, ae sheeyu vah panou soure donou posheela peikhai touyu raokhao sülai hinou raokhao poloua toukhaio.

MATHIU 12:3

Jisu nou puletao hi chila peie, “Neletao nou David ea puhmaitao nou houyuki daisousa touyu ko phoukhai mohiwu?

MATHIU 12:5

Moa neletao nou Moses vei razhai hinou phoumowu süolouzü Soteithe tsühi napaomaitao nou Rathoki hinou Soteithe zhaihai soukho-a bue, sütoukhaia puletaosü mahmoe?

MARK 2:26

Südonou puhnou Ramaiki hi taloulou-a Ramai hi posheelayu raokhao nasü toue. Haihai Abiathar nou napao peichawo soubuki pae. Eh razhai thaifüa raokhao sünasü napaomaitao likhei toulou veibaie, ana David nou süsü toue ea puh maikhemai hi koutea peie.”

LUK NOU RÜYU KO AVEIBVÜ 6:4

Puh nou Ramai kihi talouloua, razhai thaifüa napaomai likhei baideinou maitalinoua tounouyu Ramai hi posheelayu raokhao nasü puhnou poloua toue ea puhye koa bumaitao hi-a peie.”

EBRIAMAI 9:2

Daiolouzü sühisü sahpao ali soushupa khaitoue, kijülo kide nasü Mashi Buh tea kuwe. Sühisü meibvü dzükhaiyu buhli, alia arübuhli ea süphao hisü Ramaiye posheelayu raokhao-a bue.

1 SAMUEL 21:4

Napao nou David hi chila peie, “Ahi maisou nou toulou veiyu raokhao sü hare, posheela khaitouyu sheeyu raokhao likhei bua baire. Naotumai vasou deimoa naanou hinou shee-a bulouzü raokhaotao sü toua bailai.”

1 SAMUEL 21:6

Südonou napao nou puhye sheeyu raokhao sünou peie, daiolouzü puh hi buyu hai Ramai hi posheela peiyu raokhaotao likhei bubaie. Raokhao sütao hai chuchu nou soukhai toua sheeyu buh hi pothou leada khaitouyu raokhao-e.