MATHIU 12:34 - SHEEYU BAIBEL (BSI)

³⁴ Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe.

MATHIU 12:34 Iomraidhean Croise

LOUTAO 53:1

Voyu mai nou lah puletao hisü “Ramai ha-e” tea paowe. Puletao hai hrü ashi hinou hrüa bure, ae ngaorayu vah haso khesü soupfüre; vah aveih souyu mai ali-a hazeire.

LOUTAO 64:3

Puletao hai puletao vei mali sü khoche mü thaiyu büa thaiwe, ae chipao lako ashi sünou voulouthou büa maiye kavuwe.

LOUTAO 64:5

Puletao hai vah ashi soure donou mai ali nou aliye sü süpeiwe; puletao hai kheikhei soua sho-rü southoure donou chi phawe, ae “Mai linoua süsü ngaolou hoe,” tea puletao nou tsüchowe.

TSÜCHITAO 16:23

Hasüyu mai hai raomo jünou tsücho louwe, alia puletao vei chipao hisü maiye panou keinüyu hai thoupu louwe.

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

ISAIAH 32:6

Daiolouzü vomai sünou voyu chipao pao-a baie, ae puletao vei tsüle hisü ashi tsü choa ae ashi vah soulai tea bubaiwe. Puletao nou chi paoyu ae vah souyu teitei sü Mapao ye paoshilai tea soua baiwe, alia puletao hai houzüa lai maiye pouphou reikha soupei moe.

ISAIAH 59:14

Kaozü nasü hulaiwure, ae acheche nasü veloulou hore. Checheyu nasü maisou ludu hinou kaodu tare, ae aveih nasü buh hare.

ISAIAH 59:4

Mai ali koute-a chikuyu hisü cheche-a velou moe, maili koute-a le shee-a nou chiku peimoe. Neletao hai dahrührüa baiwe; südonou neletao hai ashi nah hrüloua mah sü nakou louwe.

ISAIAH 9:17

Südonou Mapao nou nahle mai hrülai, pfüpuo hamai (vearou nahmai) ae meamaipfü ali koute-a panou tupalou laimoe, daiolouzü mai hrülai nou Ramai ye louche more alia vah ashi souyu maikhai baire, ae ashi chipao khaikho pao-a baire. Haibüa Mapao nou puletao hi tudei peiyu nanou puhvei lekha rarou nasü akhai mo hie, puletaoye tudeipure donou puh bah sü la poa buhie.

MATHIU 12:35

Avei mainou puh lekhehi avei podzükhai touyu hinou avei natao popawe; alia ashi mainou puh lekhehi ashi podzükhai touyu hinou ashi natao popawe.

MATHIU 15:18

Ana mü hinou payu sünawo lekhe hinou pawe, alia hainanou maiye souzhai peiwe.

MATHIU 23:33

Nghoutao ea nghouvo tyaonah taore, neletao nou daikinou meizai vei tudee ngaore hinou tupalou khailai?

MATHIU 3:7

Ana Johan nou Phariseemai ea Sadukimai taolinou dzükhao daloure donou puh hi taveyu ngaoloua puletao hi paoe, “Oh houng tyaonahkhemai! Neletaoye thaohnou vere Ramai rarouna hinou tutalouwo tea tukhapeie?

LUK NOU RÜYU KO AVEIBVÜ 3:7

Südonou puhnou puh hinou dzükhao dalaitea taveyu maisoutao hi paoe, “Oh nghou tao-nah khemai! Neletaoye thaohnou vere Ramai vei achana hinou tutalouwo tea tukha peiwe?

LUK NOU RÜYU KO AVEIBVÜ 6:45

Mai avei mainou puhvei lekhehi avei podzükhai touyu hinou avei popawe, alia maishi mainou lekhehi ashi podzükhai touyu hinou ashi popawe; daiolouzü lekhehi phoua buyu hinou münou paopawe.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

EPHESAMAI 4:29

Neletao mü hinou chi-lashi paopawuso, anou nelenou paoyu sünanou keia buyu maitaohi avei soupei loure donou teile kao-zhou zhua soudu papei loure chi sütaonou paolouwo.

EPHESAMAI 5:4

Moa neletaoye donou hraopachi paoyu, sheemoyu chi moa müro-mübaoyu chi paoyu zümoe. Süjüwo neletao nou Ramai hi kalo paoloukhaio.

JEMS 3:2

Daiolouzü Eletao hrülai nou phabu sanou soumah baiwe. Ana maitalinou puhnou chi paoyu hi hakia paomah khaimore toulouzü, puhsü lichere ea puhnou puhvei hrümai teitei-a khangilou süre.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 SAMUEL 24:13

Haibüa paokhai touyu tsüchi ali bue, ‘Mai ashi mainou vah ashi khesü soua baiwe.’ Südonou ne hi vah ashi ali-a Enou soulai moe.