MATHIU 12:25 - SHEEYU BAIBEL (BSI)

²⁵ Puletao nou choyusü Jisu nou süloua puletao hi paoe, “Vedei talia meme soua dadeloua linou lipei hi reih zülouzü phasho bulaimoe. Alia nuhdu tali moa kikhali hai lah memesoua dadeloua linou lipei hi reih zülouzü kaota bailai!

MATHIU 12:25 Iomraidhean Croise

1 VEMAITO 16:21

Süthaisü Israel mai hai me ahai soua dade loure: maime ali nou Ginath nahpoutu Tibni ye panou veo sounü loure, ae me kukhe nanou Omri panou veo sü sounü loure.

LOUTAO 139:2

Enou souyu vah veishi nenou sükhaiwe; doushoa buyuma nenou avei tsüle teitei sü sükhaiwe.

ISAIAH 9:21

Manaseh maitao nou Ephriam maiye dulai, ae Ephriam mainou Manasseh pei hi reih soulai, alia puhai koa Judah mai pei hi reih huloulai. Haibüa veahoyu peiyu hai-a Mapao vei lekha sü khaita mohie, puh vei bah sü la poa puletaoye tudeire donou buhie.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

AMOS 4:13

Daiolouzü zhukhaio, deichi soupeio, teikhai soupeio, thailaiyu Emai hi puhtsü süngao apeio, teizhi teiva sou-apeio, Puh hai deiphao kukulai hinou tawe. Puh zhih hai hrülai pei hi Ramai Mapao touwe.

MATHIU 9:4

Puletao nou choyu sü Jisu nou süloua paoe, “Neletao daidonou haibüyu tsüshi chowe?

MARK 2:8

Thalasou Jisu nou puletao nou cho-a buyu sü süloua puletao hi paoe, “Neletao daidonou haibüyu tsühai chowe?

JOHAN 21:17

Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

1 KORINTHMAI 2:11

Daiolouzü lah puh lekhehi buyu rako süna likhei baimoa thaohnou thaohvei lekhe tsü nasü süloulai? Sübüa Ramai Rako likhei baimoa maitalinou Ramai vei tsü sümoe.

GALATIAMAI 5:15

Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.

EBRIAMAI 4:13

Alia soukhai touyu na talia Ramai nghojünou kukhai loure hae, ana ha teiteisü dukhya-a puh nghi-ngaobuh hinou haphapa khaikhaitoue. Alia puh hisü lah Eletao hrülainou soukhai touyu soupfücho sü peivuzülai.

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.