MATHIU 12:10 - SHEEYU BAIBEL (BSI)

¹⁰ Alia zhukhaio, sühisü bah polo thaiyu maili bue. Sühisü Jisu hai vah soumahre tea mah dukhainüyu mai kamai bue, südonou puletao nou puh hinoue, “Soteitheki sou souvei peiyu zhai buwu?”

MATHIU 12:10 Iomraidhean Croise

ISAIAH 32:6

Daiolouzü vomai sünou voyu chipao pao-a baie, ae puletao vei tsüle hisü ashi tsü choa ae ashi vah soulai tea bubaiwe. Puletao nou chi paoyu ae vah souyu teitei sü Mapao ye paoshilai tea soua baiwe, alia puletao hai houzüa lai maiye pouphou reikha soupei moe.

ISAIAH 59:13

Etao nou ne chi zümoa neye malaiwure, ae ne thaifüa tamore. Etao nou mai kukhe maiye sü souvea souchoro peiwure, ae Etao nou kaomo zümoyu tsücho-a chipao lako ashi khesü paopawure.

ISAIAH 59:4

Mai ali koute-a chikuyu hisü cheche-a velou moe, maili koute-a le shee-a nou chiku peimoe. Neletao hai dahrührüa baiwe; südonou neletao hai ashi nah hrüloua mah sü nakou louwe.

ZEKHARIAH 11:17

Zhaokhome ye thao-a baiyu, Oh Avei mu hayu zhaokhowo! Ne hai daizhou koute vealaisa! Khoche nou puhvei baokao alia nghithou zhoulo nasü daode, reila laiwuo! Puh baokao sü panou kita theo, puh nghithou zhoulo vasü panou cha theo!”

MATHIU 12:2

Ana Phariseemai taonou süsü ngaolouyu kisü, puletao nou Jisu hi paoe, “Zhukhaio, ne rozümai taonou Soteitheki sounouyu sü soua bure.”

MATHIU 19:3

Phariseemai kamainou puh hi taveloua puh mah phoupa loure donou puh hi noue, “Qo tali vanou mai linou puh chapfüye ralou veiyu razhai buwu?”

MARK 3:2

Sühisü Jisu pei hi mah dukhai nüyu kamaia bue; südonou puletao nou soutaosoua Jisu nou Soteithezhou mai sünaye souvei peilaiho mosa tea choh-a bue.

LUK NOU RÜYU KO AVEIBVÜ 11:54

sübüa puhnou paomah pare nasü niloure donou puletao nou dateipoa buloure.

LUK NOU RÜYU KO AVEIBVÜ 13:14

Ana rathobuh hi peichananou Jisu nou Soteithe hinou souvei peiyu vanou rarouloua maikhemai hi paoe, “Vah soure donou teithe arou bue; südonou teithe sütao hinou taveloua souveilou khaio, ana Soteithe kihio veso!”

LUK NOU RÜYU KO AVEIBVÜ 20:22

Eletaoye donou Kaisar hi kikha peiyuhai razhai thaifüa ae touho mo touwe?”

LUK NOU RÜYU KO AVEIBVÜ 23:14

puletao hi paoe, “Maikhe maiye sümah peiwe tea neletao nou mai hainaye Ahi savewe; alia zhukhaio, Enou neletao nghojünou puhye zhai zhuyu kisü, Enou mai haina hinou neletao nou puh pei hi dukhaiyu mah lia ngaolou moe;

LUK NOU RÜYU KO AVEIBVÜ 23:2

Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”

JOHAN 5:10

Südonou Jihudimainou sou veilouyu mai sünahi paoe, “Haisü Soteithe-e, alia nenou ne züh poloua tayusü razhainou aetoumoe.”

JOHAN 5:3

Kipao angou sütao hisü sho-vaimai, nghichamai, phichamai, ea pothaimai alaosou züa bue; (Puletao sü dzü lüyu khoa bue;

JOHAN 7:23

Moses vei chikha soukho more donou nahpoutumai aliye Soteithe kinou hee-vade louzü, Enou mai aliye puh vasou teitei hai Soteithe kinou soushee shahpeiyu vanou neletao nou Apei hi rarouwu?

JOHAN 8:6

Puletao nou chi haisü puh pei hi mah dukhaire do phoupa loure donou puh zhai zhua paobaie. Jisu nou kikouloua puh bahtounou kou deiphihi rüe.

JOHAN 9:16

Phariseemai kamainou paoe, “Mai haina hai Ramai hinou vemoe, daiolouzü puhnou Soteithe reimoe.” Ana kukhemai taonou paoe, “Kakua mahmai alinou sübüyu shee taosü soulou sülai?” Alia sühisü puletao hrohinou me kuku tare.