MATHIU 11:5 - SHEEYU BAIBEL (BSI)

⁵ nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 11:5 Iomraidhean Croise

2 VEMAITO 5:14

Südonou Naaman nou Jordan rei hisü koutare, ae Elisha nou paoyu büa puhnou reidzü hinou bakha anai hai dzü daloure, ae puhvei sou sü veikei touloure. Puhvei souketao hai nahmaitou ali vei vasou büa veishore.

2 VEMAITO 5:7

Israel hi veo nou seiko sünasü phou louyu phaki, puhnou levea lou-a puhvei sabanü hai paiphawure ae haibüa paoe, “Sairia hi veo nou kabüa Eye mai haina vei sou sü souvei peio tea paosa? E hai Ramai-e, maiye souhrilou süyu ae southalou süyu khouko sü ahi bue tea puhnou tsüchoho? Moe, puhnou Eye vamoa züveire donou do ashi hai nasü soua nou baie!”

LOUTAO 146:8

ae nghicha laimaiye souvei peie. Puhnou kaodua buyu maitaoye pola peie; checheyu maiye puhnou leshi peie.

LOUTAO 22:26

Touhayu maiye sü panou tounü sü touloulai, Mapao ye phouyu maitao nou neye sü paosholai. Puletao panou teisa nou savayu sü soulou theo.

TAPALOUYU 4:11

Mapao nou puh hi paoe, “Thaonou maiye mü soupeie? Thaonou la hayu ae noupeyu soupeie? Thaonou maiye panou ha ngaolouyu ae nghichayu sü soupeie? Sütaosü Mapao, Enou mowu?

ISAIAH 29:18

Haibüyu teile veyu phaki, noubi peyu maikhe nou larübvü hinou rükhai touyu chipao khesü choulai, ae nghithou cha-a teizhitei touyu hinou hrüa buyu maitao sü nghi hrüpa ha ngaoloulai.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

ISAIAH 43:8

Ramai nou paoe, “Avei maitaoye sü chikuyu ki hi kupoa vewo. Puletao hai nghithou bue, ana nghichare, puletao hai noubei bue, ana noupere!

ISAIAH 66:2

Teideiphao teitei sü Enou soupeie! Tainoutou soua ae ledalouyu maitao, ae Eye ngaopi-a achi züa buyu maitaoye sü Enou zhu peilai.

ZEKHARIAH 11:7

Zhaotu zhoyu ae hrülouyu maitao nou Eye ngaloure, alia E chuo dathare zhaotutao vei zhaokhowo sü soua bure. Enou süüpo ahai poloue: süüpo ali naye “Zhuvea-apei” alia kukhe naye “Lerozhowo” tea zhih saloue. Sübüa Enou poa zhaokhome ye sü khowe.

MATHIU 10:8

Sounou maiye souveipeio, thaimaiye souhri peio, loukhaora soumaiye soushee peio, rashitaoye hupapeio. Neletao nou sa-a ngaoloubaie, südonou sa-a peikhaio.

MATHIU 11:4

Jisu nou puletao hi chila peie, “Khaitawo, alia neletao nou chouyu ea ngaoyutao sü Johan hi paongaokhaio:

MATHIU 12:13

Süthaisü puhnou bah polo thaiyu nahi paoe, “Nebah topalo.” Alia mai sünanou puh bahsü topa loure, alia süsü kukhe alina bütoua veiloure.

MATHIU 21:14

Nghichamai ea shovai maitao nou puh hi taveloua rathoki hinou puhnou puletaoye souvei peie.

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MATHIU 9:30

Alia puhai nghithousü ngaoloure. Jisu nou puhaihi tukha-a paoe, “Haihai maitali hi-a paongao khaiso!”

MARK 7:37

Alia puletao nou paosha louhosou khupaloua paoe, “Puhnou ha teiteisü souveisho peiwure; puhnou nou pemai kouteye panou chouloure ea la hamaiye panou chi paoloure!”

MARK 9:25

Alia Jisu nou maikhe mainou puletao hi koa tuveyu sü ngaloua, rashi nahi kharochi peia paoe, “Nou peyu ea la hayu rashi, Enou neye nahpoutuna hinou tapalouwo tea ea puh hi hakia loupu khaiso tea kharochi peiwe!”

LUK NOU RÜYU KO AVEIBVÜ 4:18

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu,

JOHAN 10:25

Jisu nou puletao hi paoe, “Enou neletao hi paongaowure, ana neletao nou Eye louche peimoe. Apuo zhih hinou Enou souyu vah sütaonou Avanou zhopaoh peiwe;

JOHAN 10:38

Ana Enou sütaosü soua bulouzü, neletao nou Eye louche moyuma, Puosü Ahi bue ea Esü Puohi bue touyu süloure ea sheesha-a süa bure donou Avah taosü louche loukhaio.”

JOHAN 2:23

Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 9:7

alia puh hi paoe, “Takhaio, alia Siloam dzükhao hinou ne pah phülou khaio.” (Siloam touyu hai seitayu toue.) Südonou puhnou taholoua puh pah phüloure, alia nghithou ngaoloua khaivere.

SEI-ATAMAI VAHTAO 2:22

“He Israel maitao, chipao haitao sü keiloukhaio! Nazareth hi Jisu hai Ramai nou neletao hrohinou puh vanou mainou soulouho khupa vahtao ea sheetao souyu, süolouzü puh hai Ramai nou ae-ao touyu mai alie touyu sü neletao lah neletao nou süa bue.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.