MATHIU 11:3 - SHEEYU BAIBEL (BSI)

³ Puletao nou Jisu hi noue, “Ne hai Johan nou maili velai tea paoyu nawu, molouzü Ehnou kukheliye zhipulaiwu? Eh hi paongao khaio.”

MATHIU 11:3 Iomraidhean Croise

SHURAI 12:3

“Neye shiha peiyu maisü Enou ha peilai. Ana neye chaa peiyu maiye sü Enou chaa peilai. Alia ne vanou tyahrü hrülaiye Enou shiha peilai.”

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 118:26

Mapao vei zhih hinou taveyu maiye sü Ramai panou hapeiyu sü soulo! Mapao vei Rathoki hinou neletaoye sü Etao nou shiha peiwe.

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

OBADIAH 1:21

Ramai nou vupa peiyu maitao nou Esau deichi nasü tukhasa-a hrüre donou Zion deichi hi velai; alia vedei sü Mapao vei soulai.”

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

HAGGAI 2:7

Alia Enou tyahrü hrülaiye sü deilü peilai, sükua panou tyahrü hrülai vei thoudzü sü ki haina hi pove phouloulai, teanou Khoukhoulai Mapao nou paoe.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MALAKAI 3:1

“Zhukhaio, Aludu soudare donou rai-a ako pomai seipeilai, ae nenou phoubuyu Mapao sü sükhaimoa puh vei ratho ki hi veloulai; Zhukhaio, neletao nou jüpayu Vo vei ko aveih pfülaimai nasü velai,” tea Khoukhoulai Mapao nou paoe.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MAIPEI PHOUYU 24:17

Enou haithai naki zhuyu phaki, Israel maivei tyahrü hai zhingao-e. Veo mai ali, vavei shoyu teivuh ali büa tyahrü süna hinou palai, zhaoyu vutao ali büa Israel mai hinou palai. Puhnou Moab maivei süthai-apei maitao pei hai dakho peilai, ae khaophu soua mai shiyu maiye sü puhnou danakou khaipeilai.

MATHIU 11:10

Daiolouzü Johan hai sheeyu larübvü hinou: ‘Zhukhaio, Enou Akopaomainaye sü neye donou ludu souda peiloure ne jünou rai-a seive peilai’ tea paokhai touyu mainasüe.

MATHIU 11:4

Jisu nou puletao hi chila peie, “Khaitawo, alia neletao nou chouyu ea ngaoyutao sü Johan hi paongaokhaio:

MATHIU 21:5

“Zion nah naotupai hi paokhaio, zhukhaio, nevei veo sü nehi tavewe! Puhwo nataiwe ea rheisüh ali pfüwe alia rheisüh süsü toutoue.”

MATHIU 21:9

Alia Jisu thai-jü hinou ta-a buyu maisou taonou shusoua raoe, “David Nahpoutu hisü Hosana! Mapaowo zhih hinou velouyu puh hai rakoveie. Aku kulaiwo hisü Hosana!”

MARK 11:9

Puh nghojülonou tayu ea thailonou puhthaifüa laiyu maitao nou haibüa shusoua raoe, “Hosanna! Mapao zhih hinou taveyu puh hai rakoveie!

LUK NOU RÜYU KO AVEIBVÜ 19:38

“Mapaowo zhih hinou tave louyu Veo puhsü rakoveie! Raki hisü kaonayu soulo ea aku kulai hinou Ramaiye sholo!”

JOHAN 11:27

Puhnou Jisu hi chila peie, “Ovai, Mapao; nehai deiphao hi vere Ramai Nahpoutu Khrista nasüe touyu hai Enou louche-e.”

JOHAN 12:13

Südonou puletao nou habo poloua puhye daore donou tapare alia shusoua shaloure, “Hosanna! Mapao zhih hinou tave louyu, Israelmai Veo puhsü rako veie!”

JOHAN 16:14

Puhnou Eye soudusho peilai, daiolouzü puhnou Avei nasü poloua sünasü neletao hi paopeilai.

JOHAN 4:21

Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

JOHAN 6:14

Südonou puhnou souyu shee nasü maikhe mainou ngaoloua paoe, “Chekhaoa deiphao hi vere rachi paolawo nasü hainare!”

JOHAN 7:31

Sütoukhaia mai taolinou puhye louche loure; alia puletao nou paoe, “Khrista nanou veyu kisü puhnou mai hainanou souyu jünou koua shee soulaiwu?”

EBRIAMAI 10:37

Daiolouzü sheeyu larübvü nou haibüa paoe: “Phajü chaokholoua, velaiyu puhsü velai; puhsü chao-a bulaimoe.