MATHIU 11:22 - SHEEYU BAIBEL (BSI)

²² Enou neletao hi cheche nou paowe, süolouzü Chikuyu Teithekisü neletaoye jünou louzü Tair ea Sidon hi maitaoye nou Ramai nou zhuvea koupeilai!

MATHIU 11:22 Iomraidhean Croise

JEREMIAH 27:3

Judah hi veo Zedekiah ye daore donou Jerusalem hi velouyu Edom hi veo, Moab maivei veo, Ammon, Tair ae Sidon hi vemaitao hisü Mapao nou ahi kopomaiye seiho haibüa paopeio tea paoe.

EZEKIEL 29:18

“Thai-a bailaiyu mainare, Babilon hi veo Nebukhadnezzar nou Tair maipei hi soureih soure donou tuda-a nou bure. Puhnou puhvei reihmaitao hai panou kou sühsho-a pfüyu donou puletao vei pei sü kire ae phao sü neasasawure ana veo nou moa reihmaitao nou veasho-a soukhai touyu khesü Tair mai hinou halia ngaoloumore.

JOEL 3:4

“Ne ahi dai soulai tiwe, Oh Tair, ae Sidon, alia Philistia vei deizhe hi buyu maitao? Ne Eye hali peidakhailai tiwu? Ne nou ahi peire bulouzü, Enou ne vah thaifüa neye thashoa dakhai peilai.

MATHIU 10:15

Enou neletao hi chechenou paowe süolouzü Chikuyu Teithe zhousü nuhdu sünavei maitao jünou Sodom ea Gomorrah maitaoye nou Ramai nou koua zhuvea peilai!

MATHIU 11:21

“Oh Korazin, neye donou daizhozhou ngaopisa! Oh Bethsaida, neye donou-a daizhozhou ngaopisa! Daiolouzü neletao hinou soukhai touyu khupa vah taosü Tair ea Sidon hinou soure toulouzü, sühi maikhemai taosü dao raikinou puletao le daloure touyu shee soungaore donou lousah ba-a lah puletao pei hi vounai bokhai bulaire!

MATHIU 11:24

Ana Enou nehi paoe süolouzü Chikuyu Teithekisü neye jünou Sodom teideiye nou Ramai nou zhuvea koupeilai!”

MATHIU 12:36

“Enou neletao hi paowe, Chikuyu Teithe kisü mai hrülainou lah lahnou paopawuyu züdoumoyu chipao pfüphou vanou paloucho sü peilai.

LUK NOU RÜYU KO AVEIBVÜ 10:14

Ana chiku laiyu teithe sükisü nehai jünou Tur ea Sidon ye nou shamealou veilai hie.

EBRIAMAI 2:3

Eletao nou haibüyu dushoyu khailu peiyu nasü ngaophou molouzü kakua Eletao sü tupaloulai? Rairaikaia Mapaowo lahnou khailu peiyu hainasü paosüpeie, alia puh chi choulouyu puletao nou süsü chechewe tea Eletao hi zhopaoh peie.

2 PITAR 2:9

Südonou ramaiye süyu maiye kakua puletao vei veahoyu hinou khailu palou laisa touyu ea mai ashimaiye kakua Chikure Teithe donou hukhahi khailaisa touyu sü Mapaowo nou süwe.

2 PITAR 3:7

Ana chu buyu rakitao ea deiphao hainawo louzü panou meinou souhawure donou Ramai vei chikha sünanou pokhaiwure. Sütaosü ramai loumoyu maikhe maitaoye chikuyu ea souhawumo teithe koute donou pokhaire.

1 JOHAN 4:17

Eletao nou chikuyu Teitheki khuvei loure donou, leshi nasü Eletao hi southou liche peiwure; alia Eletao nou süsü ngaoloulai daiolouzü deiphao hainahi Eletao hrümai hai Khrista vei hrümai bübaie.

PONGAOPEIYU 20:11

Süthaisü dushoyu vebuh kaali ea süvanou chobuyu puhye sü Enou ngaoe. Deiphao ea rakisü puh nghojünou tutare, alia sühaiye sü ngaopukhai more.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.