MATHIU 11:21 - SHEEYU BAIBEL (BSI)

²¹ “Oh Korazin, neye donou daizhozhou ngaopisa! Oh Bethsaida, neye donou-a daizhozhou ngaopisa! Daiolouzü neletao hinou soukhai touyu khupa vah taosü Tair ea Sidon hinou soure toulouzü, sühi maikhemai taosü dao raikinou puletao le daloure touyu shee soungaore donou lousah ba-a lah puletao pei hi vounai bokhai bulaire!

MATHIU 11:21 Iomraidhean Croise

JOB VEI LARÜBVÜ 42:6

Südonou chuo Enou paopayu chipaotao sü choloua E hrao shore, ae chuo vounai alia konai hinou kou da-a nou E le daloure.

JEREMIAH 13:27

Puhnou ngaorayu vah haso khesü neletao nou souyu puhnou ngaoloure. Neletao nou deichi vanou ae deikho kinou khakhayu mai ali büa moa reshiyu rhei ali büa cheche moyu rahtaoye thaihua laiyu sü puhnou ngaoloure. Jerusalem hi maitaore, neletao hai daizhou koute vealaisa! ngaopeisa! Neletaoye sousheeyu hai teile kasho loulaige?

JOEL 3:4

“Ne ahi dai soulai tiwe, Oh Tair, ae Sidon, alia Philistia vei deizhe hi buyu maitao? Ne Eye hali peidakhailai tiwu? Ne nou ahi peire bulouzü, Enou ne vah thaifüa neye thashoa dakhai peilai.

AMOS 1:9

Mapao nou paoe, “Tair mainou lü asü-dai soucholayu vanou puletaoye souvea laiyu nahai Enou pokhaiwu laimoe; daiolouzü puletao nou tyahrü teitei nou Edom mai bah hi zhothou peiwure, ae puletao nou tyaraitao hi vo soukhai touyu nasü lilou moe.

MATHIU 11:22

Enou neletao hi cheche nou paowe, süolouzü Chikuyu Teithekisü neletaoye jünou louzü Tair ea Sidon hi maitaoye nou Ramai nou zhuvea koupeilai!

MATHIU 15:21

Jisu nou buh sünasü thaowu-a Tair ea Sidon deizha hilo tare.

MATHIU 18:7

Phi süloure athaotao buyu vanou deiphaohai daizhozhou ngaopisa! Daiolouzü haibüyu athaohai veimoa vevu zülai, ana athaoye panou veyu mai sünaye donou daizhozhou ngaopisa!

MATHIU 26:24

Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MARK 3:8

Jerusalem, Idumea teidei, Jordan teinghi palova teidei hinou alia Tair ea Sidon nuhdu pehao teideitao hinou ve-e. Mai hrülai haitaonou Jisu nou soupfüyu teitei sü choulouyu vanou puh hi tave-e.

MARK 6:45

Alia Jisu nou maisouye seita-a bubu kinou thalasou puhnou puh rozümaitaoye panou sakhaohi louloua zai polo dova Bethsaida hi panou puh jünou raia tare.

MARK 7:24

Süthaisü Jisu nou buh süsü thaowu-a Tair ea Sidon ngheiki buyu teideihi tare. Puh hai ki alihi taloure ea maitaliye panou puh sühi bue touyu hai sülou nümoe, sütoukhaia puh sü kheia bulou hore.

MARK 7:31

Süthaisü Jisu nou Tair teidei hinou khaitaloua Sidon tachopoa Galilee zaihi kouloua Dekapoli teideihi takoure.

MARK 8:22

Alia puletao sü Bethsaida hi velou loure ea sühinou mai kamainou nghi chayu mailiye Jisu hi saveloua puhye nou mai süna vahi deipeio tea khoe.

LUK NOU RÜYU KO AVEIBVÜ 4:26

Sütoukhaia Elijahye sü puletao maitalihi-a seimoe anou Sidon teideihi buyu Zarephath hi meamaipfü sünahi likhei seivebaie.

LUK NOU RÜYU KO AVEIBVÜ 6:17

Alia Jisu nou puhvei sei-atamaitaoye koa deichi hinou takouhloua deikhobuh ali hinou kou laloure, alia sühisü puhvei rozümaitao alaosou ea maisou alaosou Judea teidei veishi hinou, Jerusalem hinou, alia Tair ea Sidon vei zaidu ngheiki hinou maisou alaosou puh hinou puhvei chipao keiloure ea puletao vei sounou sü souvei loure donou tave loure;

LUK NOU RÜYU KO AVEIBVÜ 9:10

Sei-atamai taonou khaiveyu kisü puletao nou souyu teitei sü Jisu hi paongaoe. Puhnou puletaoye saloua Bethsaida touyu nuhdu nahi puletao lah khaitare.

JOHAN 1:44

Philip hai Andrew ea Pitar nou hrüyu Bethsaida nuhdu hinou ve-e.

JOHAN 12:21

Südonou mai haitaonou Galilee hi Bethsaida nuh hinou veyu Philip hi taveloua puh hi paoe, “Dou-apeio, Ehnou Jisu ye daonüwe.”

SEI-ATAMAI VAHTAO 12:20

Alia Herod nou Tur ea Sidon hi maitao pei hisü rarousho loure. Südonou puletao nou me ali souloua puhye daore donou tave, alia veo fühao hi peikhowo Blasta ye puletao nou chaveiloua puh soukha vanou Herod hinou kaonayu sü tave khoe; daiolouzü puletao teidei sü veo vei vedei hinou tou-so ngaotou baiwe.

SEI-ATAMAI VAHTAO 27:3

Thainaisho sü Eletao nou Sidon hi velou loure; alia Julias nou Paul ye khu-leshisho peia panou puhye samaitao hi taholoua puletaoye panou puh züpa talia peire aetoupeie.

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 11:3

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 6:12

Alia Zhaotu sünanou paoshee arou chena hapayu sü Enou ngaoe. Sükisü sühisü chihshoyu nü süloure, alia teinghisü teithou soumai sah kuloure, alia khousü teiteinou hothou zhe bü baire.