MATHIU 11:17 - SHEEYU BAIBEL (BSI)

¹⁷ ‘Eh nou neleye donou shaa houa lousoue, ana neletao nou do soubae! Ehnou kouli lipeie, ana neletao nou krabae!’

MATHIU 11:17 Iomraidhean Croise

SHURAI 50:10

Puletao nou Jordan teinghi palo Atad tea kuyu thaibuh hi veyu phaki, puletao nou sühi sünou levea-a teile taoli dopfüa krae. Josef nou teithe anai sü dopfüyu naanou soue.

1 VEMAITO 1:40

Süthaisü maikhe mainou Solomon thaifü poa dakhai tare, puletao nou asah soua shapoulei hou-e, ae dei pfüphere soua puletao nou shura sü soue.

ISAIAH 30:29

Ana Ramai vei maitao, neletao louzü sheeyu khonüh nüyu phaki lou soua buyu büa lou soulai, alia mai ali shapoulei nghouyu kho chouloua sasho poa Israel maivei chuhdu, Mapao vei Rathoki hi veyu büa asa sholai.

JEREMIAH 31:4

Enou neletaoye soushupu peilai. Neletaoye panou beibei poloua asah soua lou soua choyu pa soupu peilai.

MATHIU 11:16

“Chuo Enou maikha hainaye daiye nou paonadalai? Puletao hai hupobuh hinou chobua buyu nahmaitaoye kheihaoe. Me alinou alihi haibüa paikua paoe,

MATHIU 11:18

Daiolouzü Johan nou toumo-shomo-a ve, alia mai hrülai nou paoe, ‘Puh hi rashi ali bue!’

MATHIU 9:15

Jisu nou puletao hi paoe, “Sheenghiyu buh hi shemaitao nou sheerepunou puletaoye koa bubusasü levea-a bulou süwu? Sükulouhoe! Ana sheerepuye puletao hinou potalaiyu teithesü velai, alia sükinou puletao sü lühlai.

MATHIU 9:23

Süthaisü Jisu nou vahdumaina kihi tavere. Alia maikhe mainou po-vu sümoa raopoyu ea povure mainou sha-be houa lousouyu ngaoloukhaie,

LUK NOU RÜYU KO AVEIBVÜ 15:25

“Sükisü puhvei nahpoutu tsünasü rekou dou hinou bue; alia puhnou khaiveloua ki ngheiki veyu kisü, puhnou shabe-toubvü kho ea do souyu paisü chouloure.

LUK NOU RÜYU KO AVEIBVÜ 23:27

Alia sühisü maisou alaosou ea Jisu ye donou do-a khao khoua kra-a laiyu naotumai taoli puhthai füa tawe.

LUK NOU RÜYU KO AVEIBVÜ 7:32

Puletao hai hupobuh hinou chobua buyu nahmaitao büe ea puletao nou alinou liye la-a haibüa paoe, ‘Eletao nou neletaoye donou shaa houa lousoue, alia neletao nou do soubae! Eletao nou kouli lipeie, ana neletao nou krabae!’

LUK NOU RÜYU KO AVEIBVÜ 8:52

Alia sühi buyu mai hrülaisü nahpai süna vanou kra-a ea kouli li-a bue. Ana Jisu nou paoe, “Kraso; daiolouzü puhsü thaimoe anou zhiwe!”